Mark 4:38 - Nǫ̀htsı̨ Nı̨htł'è

³⁸ Hanìkò Zezì ı̨dè tè k'e elà yìı whetı̨ nǫǫ̀. Wecheekeè ts'ıgį̀ı̨hwho, hagıìhdı, “Gots'ǫ̀ K'àowo, tı t'à ełaàts'ede ha nìkw'o. Negha t'asanìle nì?” gıìhdı.

Mark 4:38 ပူးပေါင်းရင်းမြစ်များ

Matthew 22:16

Gıcheekeè eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Zezì ts'ǫ̀ hagedı, “K'àowo, ehkw'ı zǫ goı̨de wek'èts'eezǫ, eyıts'ǫ Nǫ̀htsı̨ Wenàowoò ghǫ ehkw'ı dǫ hoghàı̨htǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle.

Matthew 8:25

Wecheekeè ts'ıgį̀ı̨hwho, hagıìhdı, “Gots'ǫ̀ K'àowo, edaxàgoı̨le! Tı t'à ełaàts'ede ha nìkw'o,” gıìhdı.

Mark 4:37

Hǫtsaa gıxè nı̨hts'ı nàtsoò agòjà. Taatı̨į̀ nechàa elà te at'ı̨ ts'ıhɂǫ̀ elà yìı tı łǫ ajà.

Mark 4:39

Zezì nıìtła gà nı̨hts'ı eyıts'ǫ taatı̨į̀ ts'ǫ̀ gode hadı, “Ts'èwhı̨į̀ aahde!” dı. Eyıt'à nı̨hts'ı whìle agòjà xè hazǫǫ̀ gımǫǫ̀ ts'ǫ̀ ts'èwhı̨į̀ agòjà.

Luke 8:24

Zezì wecheekeè ts'ıgį̀ı̨hwho, hagıìhdı, “K'àowo, K'àowo, tı t'à ełaàts'ede ha nìkw'o.” Zezì nıìtła gà nı̨hts'ı eyıts'ǫ taatı̨į̀ ts'ǫ̀ gode hadı, “Ts'èwhı̨į̀ aahde!” gòhdı. Eyıt'à nı̨hts'ı whìle agòjà eyıts'ǫ tı sı nàeda-le ajà. Hazǫǫ̀ gımǫǫ̀ goòɂàa ts'ǫ̀ ts'èwhı̨į̀ agòjà.

John 4:6

T'akwe whaà Jacob dèè goyìı tı-ts'ìhchıı-k'è gòhtsı̨ı̨ sìı eyı gòɂǫ. Zezì nıwà dèhtła t'à nìı̨tsǫ, eyı tı-ts'ìhchıı-k'è gà dèhkwà. Dzętanı ekìıyeè k'e agǫ̀ht'e. (Wecheekeè t'asìı nàgeehdì ha kǫ̀ta ts'ǫ̀ geède ı̨lè.) Nı̨į̀là kǫ̀ta Samarıa gots'ǫ ts'èko tı ìhchı ha eyı nììtła. Zezì yets'ǫ̀ hadı, “Tı sàı̨dı,” yèhdı.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.

Hebrew 4:15

Gogha yahtıı-wet'àaɂàa-deè elı̨ı̨ sìı dànì nàts'etso-le t'à dǫ ts'ı̨ı̨lı̨ı̨ sìı yek'èezǫ hǫt'e. Goxèht'eè t'asìı hazǫǫ̀ t'à weèdzà ı̨lè hǫt'e, hanìkò hołı̨ı̨ wı̨ı̨zìı wek'e wheɂǫ-le.

1 Peter 5:7

Naxıghǫneètǫ ne t'à t'asìı hazǫǫ̀ ghǫ nànıahdèe sìı weghàahłe.