Mark 4:15 - Nǫ̀htsı̨ Nı̨htł'è

¹⁵ Dǫ mǫ̀hdaa wet'à t'asìı dehshee tı̨lı k'e nàı̨tł'ıı lagı̨ı̨t'e. Nǫ̀htsı̨ weyatıì gıìkw'o ts'ǫ̀et'ıì wehłı̨ı̨ eyı yatı goghǫ yìhchı.

Mark 4:15 ပူးပေါင်းရင်းမြစ်များ

Dànì Kèhoį̀wo 19:14

Eyıt'à Lot dǫzhìı yetì gìhchı ha ı̨lèe sìı gots'ǫ̀ goı̨de, hagòhdı, “Gots'ǫ̀ K'àowo dıı kǫ̀godeè hòt'a yedıhohtsı̨ ha t'à ı̨whąą̀ xàts'ııdè,” gòhdı. Hanìkò eyı dǫzhìı ekìı adı gı̨ı̨hwhǫ t'à gık'èı̨t'e-le.

Matthew 13:19

Eyı dǫ Nǫ̀htsı̨ Wenàowoò godıì yıìkw'o kò yenıedì-le sìı eyı godı wedzeè yìı ajà ı̨lèe sìı ekòet'ıì wehłı̨ı̨ yeghǫnıyıìchì. Eyı sìı wet'à t'asìı dehshee tı̨lı k'e nàı̨tł'ı lanì hǫt'e.

Matthew 22:5

“Hanìkò eyı dǫ k'àowocho wecheekeè ts'ǫnegı̨ı̨ɂà-le. T'asį̀ı̨ ts'ǫ̀ nageèhde; ı̨łè wets'ǫ dèè goehshee k'è ts'ǫ̀ ajà eyıts'ǫ ı̨łè wets'ǫ nàedìı k'è gòɂǫǫ ts'ǫ̀ ajà.

Matthew 4:10

Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

Mark 4:14

Eyı dǫ wet'à t'asìı dehshee dèè k'e ts'ǫ̀ yeehdèe sìı Nǫ̀htsı̨ weyatıì lanì hǫt'e.

Mark 4:16

Dǫ mǫ̀hdaa wet'à t'asìı dehshee kwe ta nàı̨tł'ı lagı̨ı̨t'e. Yatı gıìkw'o ts'ǫ̀et'ıì sıì gınà xè yatı gìhchı.

Mark 4:4

Wet'à t'asìı dehshee dèè k'e ts'ǫ̀ yeehdè ekò mǫ̀hdaa tı̨lı k'e nàı̨tł'ı t'à chı̨ą gı̨ı̨ɂà.

Luke 8:12

Wet'à t'asìı dehshee tı̨lı k'e nàı̨tł'ıı sìı dǫ Nǫ̀htsı̨ yatıì egıìkw'o lanì, hanìkò wehłı̨ı̨ sìı Nǫ̀htsı̨ yatıì gıdzeè yìı ajàa sìı goghǫ yìhchı. Eyıt'à ehkw'ı-ahodı gı̨ı̨wǫ-le xè edaxàgeedè ha-le.

Zezì Wecheekeèdeè 17:32

Dǫ naìdà hadı ghǫ gıìkw'o ekò Paul ghageedlò, hanìkò dǫ mǫ̀hdaa hagedı, “K'achı̨ eyı weghǫ gots'ǫ̀ nagoı̨de ha nets'ı̨ı̨hwhǫ,” gıìhdı.

Zezì Wecheekeèdeè 5:3

Eyıt'à Peter eyı dǫ ts'ǫ̀ hadı, “Ananıas, dànìghǫ wehłı̨ı̨ nedzeè nezı̨-le ayį̀į̀là t'à Yedàyeh Nezı̨ı̨ ghǫyanèɂǫ? Dànìghǫ dèè neghǫ nàèdìı sìı wesǫǫ̀mbaà mǫ̀hdaa edegha wek'èı̨dì?

2 Corınth 2:11

Hanì-ı̨dè wehłı̨ı̨ goghǫehnè ha-le. T'aats'ǫǫ̀ goghǫyaeɂà k'ehoɂa wek'èts'eezǫ hǫt'e.

2 Thessalonıca 2:9

Eyı dǫ wejıı nììtła nı̨dè wehłı̨ı̨ wedahxà eghàlaeda ha, ts'àhohtsı̨ xè enıìyah deè hohtsı̨ ha, eyıt'à dǫ ghǫyaeɂà ha.

Hebrew 12:16

Naxıta dǫ wı̨ı̨zìı hołı̨ı̨ k'ę̀ę̀ ełek'alagııdè sǫ̀ǫ̀, hanì-le-ı̨dè Esau lanì Nǫ̀htsı̨ nàowoò gıgha wet'àaɂà-le lagııt'è sǫ̀ǫ̀. Esau wetà weza ǫhdaà ı̨lèe t'à wetà wets'ǫ t'asìı denahk'e wet'àaɂàa sìı wets'ǫ̀ ade ha ı̨lè, hanìkò ı̨łàà yeghǫ shètı̨ k'èxa wechı ts'ǫ̀ weghǫ nàedì ı̨lè.

Hebrew 2:1

Ayìı ts'ı̨į̀hkw'ǫ̀ǫ sìı hotıì nezı̨į̀ weghǫ nànıts'edè ha hǫt'e, hanì-ı̨dè Nǫ̀htsı̨ wets'ǫǫ̀ ats'ede ha nıìle.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 20:7

Įłè-lemì xo k'ehǫǫwo nı̨dè wehłı̨ı̨ sìı wedaànìı̨tǫ ts'ǫ xàetłaà agele ha.