Mark 3:33 - Nǫ̀htsı̨ Nı̨htł'è

³³ Zezì gots'ǫ̀ hadı, “Amìı semǫ ne? Amìı sechı agı̨ı̨t'e?” gòhdı.

Mark 3:33 ပူးပေါင်းရင်းမြစ်များ

Mark 3:21

Wèot'ı̨ wegodıì ghǫ gıìkw'o ekò ekǫ ts'ǫ̀ geède. “Ezhı̨ne whelı̨,” gedı nageehchı ha hogeèhdzà.

Mark 3:32

Dǫ Zezì wemǫǫ̀ geèhkw'ee sìı hagedı, “Nemǫ eyıts'ǫ nechı mǫ̀ht'a nàgeèhza, negeɂį̀ ha gı̨ı̨wǫ,” gıìhdı.

Mark 3:34

Dǫ yemǫǫ̀ geèhkw'ee sìı goghàeda, hadı, “Dıı sìı semǫ eyıts'ǫ sechı agı̨ı̨t'e!

Mark 6:3

Dechı̨-eghàlaedaa-dǫǫ̀ elı̨-le nì? Wemǫ Mary wìyeh nì? Eyıts'ǫ wechı James, Joseph, Sımon eyıts'ǫ Zhıdàà agı̨ı̨t'e-le nì? Eyıts'ǫ wedè gota nàgedè-le nì?” ełets'ǫ̀ hagedı t'à weghǫ gık'èch'a agejà.

Luke 2:49

Zezì yets'ǫ̀ hadı, “Dànìghǫ sekak'eaht'į̀ nǫǫ̀? Setà wekǫ̀ goyìı eghàlaehda ha wek'èahsǫ-le nì?” gòhdı.

John 2:4

Zezì yets'ǫ̀ hadı, “Ts'èko, sı̨ sı̨į̀dı-le, segha ı̨łaà whìle hǫt'e,” yèhdı.

2 Corınth 5:16

Eyıt'à jǫ gots'ǫ ı̨daà dıı nèè gots'ǫ dǫ gınàowoò k'ę̀ę̀ dǫ wı̨ı̨zìı gısınìyats'ehtı ha nıìle. Įnę̀ę sìı Zezì-Krı hanì wesınìyats'ı̨ı̨htı ı̨lè, hanìkò dıì sìı hats'et'ı̨-le ats'ejà.