Mark 2:24 - Nǫ̀htsı̨ Nı̨htł'è

²⁴ Pharısee gı̨ı̨lı̨ı̨ sìı Zezì ts'ǫ̀ hagedı, “Necheekeè gıghàı̨da! Dànìghǫ Nǫ̀htsı̨ Dzęę̀ k'e ayìı wets'àet'ǫǫ sìı hagehɂı̨?” gıìhdı.

Mark 2:24 ပူးပေါင်းရင်းမြစ်များ

Matthew 12:2

Pharısee gı̨ı̨lı̨ı̨ sìı gogıaɂı̨ ekò Zezì ts'ǫ̀ hagedı, “Gıghàı̨da! Nǫ̀htsı̨ Dzęę̀ k'e ayìı wets'àet'ǫǫ sìı hagehɂı̨,” gedı.

Mark 2:16

Nǫ̀htsı̨-yatıì-k'ègedìı-dǫǫ̀, Pharısee gı̨ı̨lı̨ı̨ sìı Zezì sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨ gıaɂı̨ ekò, Zezì wecheekeè ts'ǫ̀ hagedı, “Dànìghǫ Zezì sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨?” gògedı.

Mark 2:25

Zezì gots'ǫ̀ hadı, “K'àowocho Davıd ededı̨ eyıts'ǫ wecheekeè degeèhdì ekò ayìı dàgı̨ı̨laa sìı wek'eyaahtı-le nì?

Mark 2:7

“Ayìı aht'e edeewǫ hanì gode? Nǫ̀htsı̨ k'èch'a gode! Nǫ̀htsı̨ zǫ gohołı̨į̀ goghǫ nahoele hǫt'e,” hagı̨ı̨wǫ.

Hebrew 12:3

Hołı̨ı̨-hogehtsı̨ı̨-dǫǫ̀ gıtł'aà dàhòtł'ò daı̨ɂàa xè sıì gık'èch'a eghàlagı̨ı̨dàa sìı wedaànıahdè, hanì-ı̨dè weghǫ nìahtsį̀ ha-le eyıts'ǫ naxınì nàtso-le ade ha-le.