Mark 2:17 - Nǫ̀htsı̨ Nı̨htł'è

¹⁷ Zezì ıìkw'o t'à gots'ǫ̀ hadı, “Dǫ hotıì geedaa sìı nàèdı-k'èezǫǫ gıgha wet'àaɂà nıìle, dǫ eyagı̨ı̨lı̨ı̨ sìı nàèdı-k'èezǫǫ gı̨ı̨wǫ hǫt'e. Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ gıgha ahjà hǫt'e,” gòhdı.

Mark 2:17 ပူးပေါင်းရင်းမြစ်များ

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Luke 15:10

Ehkw'ı anaxèehsı̨, eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè Nǫ̀htsı̨ weyak'eet'ı̨į̀ gınà t'à sìgoèt'ı̨ ha hǫt'e,” Zezì gòhdı.

Luke 15:29

Hanìkò edetà ts'ǫ̀ hadı, ‘Łǫ xo negha hòtł'ò eghàlaıhdà eyıts'ǫ t'aats'ǫǫ̀ nek'èɂaıht'è. Hanìkò seàgı̨ą gıxè shèhtı̨ ha, sahzǫ̀ą nechà-lea wı̨ı̨zìı seghàneehtı̨ whìle.

Luke 15:7

Eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè, yak'e geèhkw'ee sìı sıì gınà ha hǫt'e. Łǫǫ̀tǫènǫ-daats'ǫ̀-łǫǫ̀tǫ ehkw'ı geeda kò, hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè yak'e geèhkw'ee sìı weghǫ denahk'e gınà ha hǫt'e.”

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

Luke 19:10

Dǫ-wet'àaɂàa-deè sìı dǫ dıkǫèdee gokak'eet'į̀ xè edaxàgole gha jǫ nììtła hǫt'e,” Zezì yèhdı.

John 9:34

Hadı t'à gıts'ǫ̀ hadı, “Negǫ̀hłı̨ gots'ǫ hołı̨ı̨-hohtsı̨ı̨-dǫǫ̀ anet'e, hoghàgoı̨htǫ ha neewǫ nì?” gıìhdı tł'axǫǫ̀ xàdegeèzhì.

John 9:40

Pharısee gı̨ı̨lı̨ı̨ mǫ̀hdaa Zezì gà nàgeèhzaa sìı hadıì gıìkw'o t'à Zezì dageehke, “Goxı̨ sı godaà goìle nı̨ı̨dıì nì-aı̨dı?” gıìhdı.

Zezì Wecheekeèdeè 20:21

Israel got'ı̨į̀ eyıts'ǫ Greece got'ı̨į̀ į̀łah gıts'ǫ̀ goıhde ı̨lè. Edek'egı̨ı̨lı̨ t'à Nǫ̀htsı̨ ts'ǫ̀ agede ha eyıts'ǫ gots'ǫ̀ K'àowo Zezì ehkw'ı adı gı̨ı̨wǫ gha haehsı̨į̀ gıts'ǫ̀ goıhde ı̨lè.

Zezì Wecheekeèdeè 26:20

Kǫ̀ta Damaskus t'akwełǫ̀ǫ̀ ekǫ dǫ ts'ǫ̀ goıhde, eyı tł'axǫǫ̀ kǫ̀ta Jerusalem eyıts'ǫ Judea nèk'e hazǫǫ̀ dǫ ts'ǫ̀ goıhde. Eyıts'ǫ dǫ eyıì-le xàɂaa sı gıts'ǫ̀ goıhde. Edek'egı̨ı̨lı̨ xè Nǫ̀htsı̨ ts'ǫ̀ anaahde ha, gèehsı̨. Edek'egı̨ı̨lı̨ nı̨dè wek'ę̀ę̀ eghàlageeda ha hǫt'e, gèehsı̨.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.