Mark 16:18 - Nǫ̀htsı̨ Nı̨htł'è

¹⁸ edılà t'à gòo negıìle ha; nàèdıłı̨ı̨ gedǫ kò wet'à t'asagede ha-le; edılà dǫ eyagı̨ı̨lı̨ı̨ k'e agehɂı̨ nı̨dè k'aàt'ıì agede ha,” Zezì gòhdı.

Mark 16:18 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Mark 5:23

gà yeghǫnàdaetì, hadı, “Setì ełaàwı ha nìkw'o. Hanìkò sek'èè aątła gà nılà wek'e anelà nı̨dè k'aàt'ıì ade xè eda ha,” yèhdı.

Luke 10:19

Gòo eyıts'ǫ nàèdıłı̨ı̨-k'àle lanıı gık'e k'eahdè ha naxıghàhòehɂǫ hǫt'e. Eyıts'ǫ wehłı̨ı̨ t'asìı hazǫǫ̀ t'à nàtsoo sìı wenahk'e nàahtso ha eyıts'ǫ t'asìı wı̨ı̨zìı t'à t'asaahde ha nıìle.

Zezì Wecheekeèdeè 19:12

Paul k'oòhchìa eyıts'ǫ jǫhtè t'à-at'ı̨ı̨ sìı eyı kò dǫ-eyaelı̨ı̨ ts'ǫ̀ agehɂı̨ nı̨dè k'aàt'ıì aget'į̀ eyıts'ǫ ı̨nìłı̨ı̨ gots'ǫǫ̀ xàgeedè.

Zezì Wecheekeèdeè 3:12

Peter gots'ǫ̀ hadı, “Israel got'ı̨į̀, dànìghǫ naxıgha enıìyah dìì? Dànìghǫ naxıgha enıìyah nàhòwo lanì goghàahda? Goxı̨ godahxà dıı dǫ k'edaà ats'ı̨ı̨là dahwhǫ nì? Deghàà Nǫ̀htsı̨ wınì k'ę̀ę̀ ts'eedaà adets'ììdlà t'à k'edaà awets'į̀į̀là dahwhǫ nì? Į̀le, haahwhǫ-le.

Zezì Wecheekeèdeè 3:16

Zezì gogha ehkw'ı-ahodı t'à dıı dǫ weghàahdaa eyıts'ǫ wek'èahsǫǫ sìı nàtsoò ajà. Zezì wedahxà eyıts'ǫ ededı̨ wet'ǫ̀ǫ̀ goınì nàtsoo t'à dıı dǫ deghàà k'aàt'ıì anajàa sìı weghàahda hǫt'e.

Zezì Wecheekeèdeè 4:10

naxı̨ eyıts'ǫ Israel got'ı̨į̀ hazǫǫ̀ sìı naxıts'ǫ̀ dıı hats'edı ha: Nazareth got'ı̨į̀ Zezì wıızì dahxà dıı dǫ k'aàt'ıì ajà hǫt'e. Zezì dechı̨et'aa k'e wedeàhtsò ı̨lè hanìkò Nǫ̀htsı̨ naìdà ayį̀į̀là.

Zezì Wecheekeèdeè 4:22

Eyı dǫ enıìyah nàhòwo t'à k'aàt'ıì ajàa sìı dı̨ènǫ daats'ǫ̀ weghoò hǫt'e.

Zezì Wecheekeèdeè 4:30

Nılà t'à dǫ k'aàt'ıì agı̨ı̨le eyıts'ǫ necheekeè Zezì wıızì degaı t'à enıìyah deè geɂį̀ agı̨ı̨le,” gedıì yagı̨ı̨htı.

Zezì Wecheekeèdeè 9:34

Peter yets'ǫ̀ hadı, “Aneyas, Zezì k'aàt'ıì anį̀į̀là. Nıį̀tła eyıts'ǫ netè nıìɂah,” yèhdı. Ekòet'ıì Aneyas nıìtła.

Rome 16:20

Nǫ̀htsı̨ ts'èwhı̨į̀ wehòhɂǫǫ sìı whaà-le-t'ıì naxıt'ǫ̀ǫ̀ wehłı̨ı̨ dıhohtsı̨ ha. Zezì-Krı wesǫnıwǫ naxıxè welè.

1 Corınth 12:9

eyıts'ǫ dǫ ı̨łè Yedàyeh Nezı̨ı̨ wedahxà wınì nàtso ha weghàhòt'ǫ, eyıts'ǫ k'achı̨ dǫ ı̨łè Yedàyeh Nezı̨ı̨ wedahxà dǫ k'aàt'ıì ahɂı̨ ha weghàhòt'ǫ hǫt'e,