Mark 16:10 - Nǫ̀htsı̨ Nı̨htł'è

¹⁰ Mary-Madlę̀ dǫ Zezì xè agıat'į̀ı̨ sìı gots'ǫ̀ naèhtła, Zezì ghǫ gıgha dìì xè getse ı̨lè. Wexè dàgòjàa sìı ghǫ gots'ǫ̀ hadı.

Mark 16:10 ပူးပေါင်းရင်းမြစ်များ

Matthew 19:22

Eyı cheko wesǫǫ̀mbaà łǫ t'à, Zezì hadı ıìkw'o ekò ts'ǫǫ̀nıwǫǫ̀ lajà xè naèhtła.

Matthew 24:30

“Eyı dzęę̀ k'e Dǫ-wet'àaɂàa-deè yat'a wègoèht'į̀ ha eyıts'ǫ dıı nèk'e dǫ hazǫǫ̀ geejı̨ xè getse ha. Dǫ-wet'àaɂàa-deè enıìyah t'à nàtso xè k'oh k'e nììtła geɂį̀ ha.

Matthew 9:15

Zezì gots'ǫ̀ hadı, “K'ǫadzàa ı̨łaà goxè wheda et'ıì, dǫ gıghǫ nìı̨dee sìı edegegǫ ha nì? Į̀le ne, hanìkò ı̨łè dzęę̀ k'ǫadzàa gıghǫ wììchì ha hǫt'e, eyı dzęę̀ k'e nı̨dè edegegǫ ha.

Mark 14:72

Hadı ts'ǫ̀et'ıì k'àba nàekeè whezeh. Hanì et'ıì Peter, Zezì dàyèhdı ı̨lèe sìı yenadì. “K'àba nàekeè ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter sıì wegha dìì agòjà t'à sıì ededzeè t'à ı̨tsè.

Luke 24:17

Zezì dagoehke, “Įdaà nałeahtłe ekò ayìı ghǫ ełexè goahdo nǫǫ̀?” gòhdı. Wecheekeè nìłegeètła, ts'ǫǫ̀gı̨ı̨wǫ lanì gìgaat'ı̨.

John 16:6

Eyı naxıts'ǫ̀ haehsı̨ t'à sıì naxıgha dìì agòjà.

John 20:18

Mary-Madlę̀ Zezì wecheekeè ts'ǫ̀et'ıì ajà, hagòhdı, “Gots'ǫ̀ K'àowo weehɂı̨!” dèèjà. Zezì dàgòhdı ha yèhdıı sìı hazǫǫ̀ gots'ǫ̀ hadı.