Mark 15:46 - Nǫ̀htsı̨ Nı̨htł'è

⁴⁶ Eyıt'à Joseph ehtł'ı̨ nàèhdì, dechı̨et'aa k'e ts'ǫ Zezì wekw'ǫǫ̀ hodàèhtı̨ gà nezı̨į̀ ehtł'ı̨ wemoèhdoò ayį̀į̀là. Eyıts'ǫ kwe yìı dǫkw'ǫǫ̀ gha gòɂǫǫ k'è yekw'ǫǫ̀ nèyı̨ı̨tǫ. Eyı tł'axǫǫ̀ kwe nechàa enìı̨ɂǫǫ̀ ayį̀į̀là.

Mark 15:46 ပူးပေါင်းရင်းမြစ်များ

Matthew 28:2

Hǫtsaa dèè hòtł'ò nàgoèhdǫ. Gots'ǫ̀ K'àowo weyak'eet'ı̨į̀ yak'e gots'ǫ kwe yìı gòɂǫǫ ts'ǫ̀ hodàèhtła, kwe nechàa enìı̨ɂǫǫ sìı yı̨ı̨ɂǫ̀ǫ̀ deyeèyı̨ gà yeka wheda.

Mark 15:45

Eghǫǫ-dǫǫ̀ gha k'àowo “Hęɂę,” yèhdı t'à k'àowo Pılate Zezì wekw'ǫǫ̀ Joseph tł'aàyį̀ı̨htı̨.

Mark 15:47

Mary-Madlę̀ eyıts'ǫ Joses wemǫ Mary, edı̨į̀ Zezì nègı̨ı̨htı̨ gıaɂı̨.

Luke 23:53

Dechı̨et'aa k'e ts'ǫ Zezì wekw'ǫǫ̀ hodàı̨htı̨ gà nezı̨į̀ ehtł'ı̨ wemoèhdoò ayį̀į̀là. Eyıts'ǫ kwe yìı dǫkw'ǫǫ̀ ı̨ı̨tǫ̀-le sìı ekǫ yekw'ǫǫ̀ nèyı̨ı̨tǫ.

John 11:38

Zezì k'achı̨ wegha dìì agòjà. Dǫkw'ǫǫ̀ whetǫǫ ts'ǫ̀ èhtła. Kwe yìı dǫkw'ǫǫ̀ whetǫǫ k'è kwe nechàa enìnìı̨ɂǫ.

John 11:41

Dǫ kwe ı̨ɂǫ̀ǫ̀ agı̨į̀là. Zezì ı̨dòo k'eet'į̀, hadı, “Setà, sı̨į̀hkw'ǫ t'à masì neehwhǫ.

John 20:1

Nǫ̀htsı̨ Dzęę̀ tł'axǫǫ̀ k'omǫǫ̀dǫǫ̀ ı̨łaà to ekò, Mary-Madlę̀ edı̨į̀ Zezì wekw'ǫǫ̀ whetǫǫ ts'ǫ̀ èhtła. Eyı nììtła ekò, kwe nechàa enìı̨ɂǫ ı̨lèe sìı yı̨ı̨ɂǫ̀ǫ̀ deèyı̨ nǫǫ̀, yaɂı̨.