Mark 15:43 - Nǫ̀htsı̨ Nı̨htł'è

⁴³ Arımathea got'ı̨į̀ Joseph, Zezì wekw'ǫǫ̀ hodàechı ha nıwǫ t'à, wınì nàtsoo xè k'àowo Pılate ts'ǫ̀ èhtła. Eyı dǫ Joseph Israel got'ı̨į̀ gha k'aodèe gota wheda xè k'àowo wet'àaɂàa elı̨ hǫt'e. Ededı̨ sìı Nǫ̀htsı̨ Wenàowoò k'ę̀ę̀ hòɂǫǫ danaèhɂı̨ ı̨lè.

Mark 15:43 ပူးပေါင်းရင်းမြစ်များ

Matthew 19:30

Dǫ t'akwe geèhkw'ee sìı nǫǫde geèhkw'eè agedle ha, eyıts'ǫ dǫ nǫǫde geèhkw'ee sìı t'akwe geèhkw'eè agedle ha,” Zezì gòhdı.

Matthew 20:16

“Eyıt'à amìı nǫǫde geèhkw'ee sìı t'akwe geèhkw'e ha, hanìkò amìı t'akwe geèhkw'ee sìı nǫǫde geèhkw'e ha hǫt'e,” Zezì hadıì goxè godo.

Matthew 27:57

Xèhts'ǫ̀ agòjà ekò dǫ ahxee Joseph wìyeh eyı nììtła. Kǫ̀ta Arımathea got'ı̨į̀ hǫt'e, Zezì cheekeè whelı̨ ı̨lè.

Mark 14:54

Peter ı̨dè sìghaı̨waà gok'èè etłe, yahtıı-wet'àaɂàa-deè wekǫ̀ gà kwekwı̨į̀ nawheɂa ts'ǫ̀ gok'èè nììtła. Goyaèhtła gà enìı̨tǫ-k'ègedìı-dǫǫ̀ gogà dèhkwà xè naìgwı.

Mark 15:44

K'àowo Pılate Zezì hòt'a ełaı̨wo yeghǫ ıìkw'o ekò sıì wegha enıìyah. Eyıt'à eghǫǫ-dǫǫ̀ gha k'àowo kayaı̨htı, asį̀į̀ Zezì hòt'a ełaı̨wo gha dayeehke.

Luke 2:25

Ekìıyeè k'e eneèko ı̨łè Jerusalem nàdè ı̨lè, Sımeyon wìyeh. Nǫ̀htsı̨ ghàdìtı̨ xè ehkw'ı eda hǫt'e. Israel got'ı̨į̀ Edaxàgolee elı̨ı̨ sìı danaèhɂı̨ ı̨lè eyıts'ǫ Yedàyeh Nezı̨ı̨ wets'ǫ̀-èlı̨.

Luke 2:38

Hotıì ekìıyeè k'e gogà nììtła, Nǫ̀htsı̨ ts'ǫ̀ masì dı. Dǫ hazǫǫ̀ Jerusalem edaxàweetè ha k'enageèhɂı̨ı̨ sìı eyı chekoa ghǫ goxè godo.

Luke 23:50

Eyıts'ǫ dǫ ı̨łè Joseph wìyeh Israel got'ı̨į̀ gha k'aodèe goxè wheda elı̨. Dǫ nezı̨ı̨ xè ehkw'ı eda.

Luke 23:51

Ededı̨ sìı k'aodèe gok'ę̀ę̀ anıwǫ-le eyıts'ǫ Zezì ts'ǫ̀ dànì eghàlagı̨ı̨dàa sìı wınì k'ę̀ę̀ nıìle. Judea nèk'e kǫ̀ta Arımathea got'ı̨į̀ hǫt'e. Nǫ̀htsı̨ Wenàowoò k'ę̀ę̀ agode ha danaèhɂı̨ ı̨lè.

John 19:38

Eyı tł'axǫǫ̀ Arımathea got'ı̨į̀ Joseph Zezì wekw'ǫǫ̀ nıìchı ha k'àowo Pılate ts'ǫ̀ èhtła. Joseph ededı̨ sı Zezì wecheekeè hǫt'e, hanìkò Israel got'ı̨į̀ gha k'aodèe ts'àejı̨ t'à dǫ gık'èezǫ-le. K'àowo Pılate, hęɂę, yèhdı t'à Zezì wekw'ǫǫ̀ edexè nayeèhchì.

Zezì Wecheekeèdeè 13:50

Hanìkò Israel got'ı̨į̀ dǫ xè nıdahǫǫ̀woò agį̀į̀là, ts'èko ahxee gı̨ı̨lı̨ı̨ Nǫ̀htsı̨ gı̨ı̨wǫ eyıts'ǫ kǫ̀godeè gha k'aodèe gı̨ı̨lı̨ı̨ gıxè nàdahoowo. Paul eyıts'ǫ Barnabas k'èch'a nàdahogehdè t'à eyı nèk'e gots'ǫǫ̀ xàgogeèhɂà.

Zezì Wecheekeèdeè 17:12

Israel got'ı̨į̀ łǫ gıgha ehkw'ı-ahodı, eyıts'ǫ Greek gots'ǫ ts'èko ahxee mǫ̀hdaa, eyıts'ǫ Greek gots'ǫ dǫzhìı łǫ goxè aget'ı̨.

Phılıppı 1:14

Satsǫ̀tł'ıì sek'e whela t'à Nǫ̀htsı̨ wecheekeè łǫ gıdzeè nàtsoò ajà. Nǫ̀htsı̨ wegodıì t'à gogede ha sìı gınì nàtso xè geejı̨-le agejà.