37 Zezì hòtł'ò whezeh tł'axǫǫ̀ nǫǫde xàèhjı.
Zezì k'achı̨ hòtł'ò whezeh tł'axǫǫ̀ nǫǫde xàèhjı.
Dǫ ı̨łè ekǫ tı̨mǫèhza, ehtł'ı̨ lanıı jìetì dı̨ı̨ts'aa ta nawhehtsoò ayį̀į̀là, dechı̨ nedèe welǫ wexeetł'ı̨į̀ ayı̨į̀là gà Zezì wewà k'e ayehɂı̨. Hadı, “Hòt'a whatsǫǫ̀ awet'è. Weghàts'ııdà, asį̀į̀ Elıjah edaxàyehtè ha lì,” hadı.
Zezì hòtł'ò whezeh hadı, “Setà, sedą̀ązhį̀ı̨ netł'aà wheɂǫǫ̀ ahłà,” hadı tł'axǫǫ̀ nǫǫde xàèhjı.
Zezì yaazea wewàhǫǫdì ajà tł'axǫǫ̀, “Hòt'a enahǫ̀t'e,” hadı, eyı tł'axǫǫ̀ wekwì ı̨zhıì ajà gà ełaı̨wo.
Zezì dıı nèk'e nàı̨dè ekò ededzeè t'à etse xè Nǫ̀htsı̨ ghǫnàdaetì ı̨lè. Ełaàwı ch'à edaxàyehtè ha dìì-le sìı ts'ǫ̀ yaı̨htı ı̨lè. Zezì nezı̨į̀ edetà ts'ǫ̀ naɂa xè t'aats'ǫǫ̀ yek'èı̨t'e t'à Wetà yeèhkw'ǫ hǫt'e.
