Mark 14:11 - Nǫ̀htsı̨ Nı̨htł'è

¹¹ K'aodèe eyı ghǫ gıìkw'o ekò sıì gınà t'à gıts'ǫ̀ hadı, “Sǫǫ̀mba łǫ nets'àts'eehdì ha,” gıìhdı. Eyıt'à dànì Zezì k'aodèe gotł'aàyehtè ha sìı gha naèhɂı̨.

Mark 14:11 ပူးပေါင်းရင်းမြစ်များ

Matthew 26:14

Eyı tł'axǫǫ̀ wecheekeè hoònǫ-daats'ǫ̀-nàke gots'ǫ ı̨łè, Zhıdàà-Iscarıyot wìyeh sìı yahtıı-gha-k'aodèe ts'ǫ̀ èhtła,

Matthew 26:15

hagòhdı, “Zezì naxıtł'àèhte k'èxa dàtłǫ sǫǫ̀mba sets'àɂahdì ha?” gòhdı. Eyıt'à taènǫ satsǫ̀ą degoo gıgha gı̨ı̨htà gà gıghàı̨wa.

Mark 14:10

Eyı tł'axǫǫ̀ wecheekeè hoònǫ-daats'ǫ̀-nàke gots'ǫ ı̨łè, Zhıdàà-Iscarıyot wìyeh, Zezì yahtıı-gha-k'aodèe tł'aàyehtè ha nıwǫ t'à gots'ǫ̀ èhtła.

Mark 14:12

Passover dzęę̀ xèhǫǫ̀wo ekò (eyı dzęę̀ k'e taàt'eè yahtıı, Passover gha, sahzǫ̀ą Nǫ̀htsı̨ ts'ǫ̀ gık'eehk'ǫ̀), Zezì wecheekeè dageehke, hagedı, “Edı̨į̀ nàsı̨ Passover ghǫ shèı̨tı̨ ha? Negha sıìgots'ele ha neewǫ nì?” gıìhdı.

Luke 22:3

Ekò k'e wehłı̨ı̨ Zhıdàà ts'ǫ̀ ajà. (Zhıdàà, Iscarıyot sı wìyeh.) Ededı̨ sìı Zezì wecheekeè hoònǫ-daats'ǫ̀-nàke gı̨ı̨lı̨ı̨ ts'ǫ ı̨łè hǫt'e.

1 Tımothy 6:10

Sǫǫ̀mba ghǫ ets'edì-le nı̨dè wets'ıhɂǫ̀ hołı̨ı̨ hazǫǫ̀ xàɂaa hots'ehtsı̨. Dǫ mǫ̀hdaa sıì sǫǫ̀mba ghageewı t'à, Zezì-Krı gha gınì nàtso-le aget'į̀. Eyıt'à edegha hoìla hogehtsı̨.

Jude 1:11

Gıxè hoìla nechà ha! Adǫ̀ weza Caın wenàowołı̨ı̨ k'ę̀ę̀ geède hǫt'e. Įnę̀ę gots'ǫ Balaam ekǫ-le hòèhtsı̨ lanì sǫǫ̀mba gha nàhogehdè, eyıts'ǫ Korah Nǫ̀htsı̨ k'èch'a hòèhtsı̨ lanì gıdıhołè ha hǫt'e.