Mark 13:9 - Nǫ̀htsı̨ Nı̨htł'è

⁹ “Dǫ naxıts'ǫ̀ xànègı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha. Sı̨ sets'ıhɂǫ̀ k'àowocho eyıts'ǫ dèe-ts'ǫ̀-k'àowo gınadąą̀ naxısınìyaetıì anaxegele ha, eyıts'ǫ seghǫ gıts'ǫ̀ goahde ha.

Mark 13:9 ပူးပေါင်းရင်းမြစ်များ

Matthew 5:22

Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.

Mark 13:5

Zezì gots'ǫ̀ hadı: “Hotıì kexoahdı, naxıghǫyagııɂà sǫ̀ǫ̀.

Mark 13:8

Dıı nèk'e dǫ hazǫǫ̀ xàɂaa ełegegǫ ha. Dǫ eyıì-le xàɂaa łǫ gınèk'e dèè hòtł'ò nàgoìdà ha eyıts'ǫ bò whìle agode ha. Eyı hazǫǫ̀ hagode ha sìı ts'èko wezaa gòhłè ha nı̨dè t'akwełǫ̀ǫ̀ wegha eya xèhoìwıı sìı eyı lagode ha hǫt'e.

Mark 6:11

Kǫ̀ta ts'ǫ dǫ naxıgı̨ı̨wǫ-le nı̨dè eyıts'ǫ naxıgeèhkw'ǫ-le nı̨dè, naahdè kwe gıkǫ̀ta ts'ǫ ehtł'è naxıkè-tł'a whìle aahłe (eyı weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha),” Zezì hagòhdı.

Luke 9:5

Dǫ naxıgı̨ı̨wǫ-le nı̨dè, naahdè kwe gıkǫ̀ta gots'ǫ ehtł'è naxıkè-tł'a whìle aahłe (hanì-ı̨dè weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha),” gòhdı.

John 15:20

Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

Zezì Wecheekeèdeè 21:11

Paul wewè neyı̨į̀wa gà wet'à edılà eyıts'ǫ edekè xèwhezhà, hadı, “Yedàyeh Nezı̨ı̨ hadı, ‘Kǫ̀ta Jerusalem gots'ǫ Israel got'ı̨į̀, dıı whe amìı wets'ǫ ne sìı dıı hanì dageèzhà ha, eyı gà eyıì-le dǫ xàɂaa ghàgıhtè ha,’ ” hadı gots'ǫ̀ goı̨de.

Zezì Wecheekeèdeè 7:54

Stephen hanì gots'ǫ̀ goı̨de t'à dǫ hazǫǫ̀ sıì gık'èch'a agòjà.

Zezì Wecheekeèdeè 9:16

Sıızì ts'ıhɂǫ̀ hòtł'ò daı̨ɂa ha sìı yek'èezǫǫ̀ awehłe ha,” Zezì yèhdı.

Phılıppı 1:29

Zezì-Krı naxıgha ehkw'ı-ahodıı sìı naxıghǫ̀t'ǫ hǫt'e, eyı zǫǫ̀-le, wegha daahɂa ha, eyı sı naxıghǫ̀t'ǫ hǫt'e.

2 Thessalonıca 1:5

Eyı hazǫǫ̀ weghàà Nǫ̀htsı̨ ehkw'ı naxısınìyaehtıı sìı wek'èts'eezǫ hǫt'e. Nǫ̀htsı̨ Wenàowoò k'ę̀ę̀ hòɂǫǫ sìı gha daahɂaà anaxììdlà t'à ekǫ goyaahde ha edegha deahnǫ k'ę̀ę̀ naxııtà.

2 John 1:8

Edexoahdı, ayìı gha eghàlaahdaa sìı naxıghǫ wedıhołè sǫ̀ǫ̀, hanìkò eyı k'èxa deghàà nezı̨į̀ naxıghàhòt'à ha welì.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.