Mark 13:8 - Nǫ̀htsı̨ Nı̨htł'è

⁸ Dıı nèk'e dǫ hazǫǫ̀ xàɂaa ełegegǫ ha. Dǫ eyıì-le xàɂaa łǫ gınèk'e dèè hòtł'ò nàgoìdà ha eyıts'ǫ bò whìle agode ha. Eyı hazǫǫ̀ hagode ha sìı ts'èko wezaa gòhłè ha nı̨dè t'akwełǫ̀ǫ̀ wegha eya xèhoìwıı sìı eyı lagode ha hǫt'e.

Mark 13:8 ပူးပေါင်းရင်းမြစ်များ

Matthew 24:8

Eyı hazǫǫ̀ hagode ha sìı ts'èko wezaa gòhłè ha nìkw'o nı̨dè t'akwełǫ̀ǫ̀ wegha eya xèhoìwıı sìı eyı lagode ha hǫt'e.

Mark 13:7

Ełegegǫ ghǫ aàhkw'o ha, hanìkò weghǫ dahjı̨-le. T'akwełǫ̀ǫ̀ eyı hazǫǫ̀ hagode ha hǫt'e, hanìkò ekòet'ıì nǫǫde dzęę̀ k'e nèhòkw'ı ha nıìle.

Mark 13:9

“Dǫ naxıts'ǫ̀ xànègı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha. Sı̨ sets'ıhɂǫ̀ k'àowocho eyıts'ǫ dèe-ts'ǫ̀-k'àowo gınadąą̀ naxısınìyaetıì anaxegele ha, eyıts'ǫ seghǫ gıts'ǫ̀ goahde ha.

Zezì Wecheekeèdeè 11:28

Nakwenàoɂǫǫ ı̨łè Agabus wìyeh sìı dǫta nàwo xè Yedàyeh Nezı̨ı̨ dahxà gots'ǫ̀ goı̨de. Įdaà dàgode ha sìı gha yatı nìı̨ɂǫ. Hazǫǫ̀ nèk'e Rome got'ı̨į̀ k'aodèe gı̨ı̨lı̨ı̨ sìı dǫ gha bò whìle agode ha, hadı. (Claudıus dèe-ts'ǫ̀-k'àowo whelı̨ ekò eyı hagòjà.)

1 Thessalonıca 5:3

Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle.

John Wenazhıı 6:4

K'achı̨ tłı̨cho ı̨łè dek'o lanıı wègoèht'į̀. Eyı tłı̨cho t'à-at'ı̨ı̨ sìı dıı nèk'e ts'èwhı̨į̀ hòɂǫ-le ayele ha eyıts'ǫ dǫ ełaàłìdeè ayele ha weghàhòt'ǫ. Eyı gha behcho nechàa weghǫ̀t'ǫ.