Mark 13:7 - Nǫ̀htsı̨ Nı̨htł'è

⁷ Ełegegǫ ghǫ aàhkw'o ha, hanìkò weghǫ dahjı̨-le. T'akwełǫ̀ǫ̀ eyı hazǫǫ̀ hagode ha hǫt'e, hanìkò ekòet'ıì nǫǫde dzęę̀ k'e nèhòkw'ı ha nıìle.

Mark 13:7 ပူးပေါင်းရင်းမြစ်များ

Matthew 18:7

“T'asìı nezı̨-le łǫ t'à dǫ hołı̨ı̨ hogehtsı̨ ts'ıhɂǫ̀, dıı nèk'e dǫ gıts'ǫ̀ hoìla ha hǫt'e. Eyı hołı̨ı̨ hazǫǫ̀ hagode ha t'ıį̀t'e, hanìkò dǫ wet'à agot'ı̨ı̨ sìı wegha hoìla ha hǫt'e!

Matthew 2:3

K'àowocho Herod yeghǫ ıìkw'o ekò sıì nànıwoò lajà eyıts'ǫ dǫ hazǫǫ̀ Jerusalem nàgedèe sìı dàhodıì-ahodı gı̨ı̨wǫ.

Mark 13:6

Dǫ łǫ sıızì t'à-aget'ı̨ xè ‘Chrıst aht'e,’ gedı ha eyıts'ǫ dǫ łǫ ghǫyageeɂà t'à gogha ehkw'ı agedı ha.

Mark 13:8

Dıı nèk'e dǫ hazǫǫ̀ xàɂaa ełegegǫ ha. Dǫ eyıì-le xàɂaa łǫ gınèk'e dèè hòtł'ò nàgoìdà ha eyıts'ǫ bò whìle agode ha. Eyı hazǫǫ̀ hagode ha sìı ts'èko wezaa gòhłè ha nı̨dè t'akwełǫ̀ǫ̀ wegha eya xèhoìwıı sìı eyı lagode ha hǫt'e.

John 14:1

Zezì edecheekeè gots'ǫ̀ hadı, “Naxıdzeè t'à naxıgha dìì welè sǫ̀ǫ̀. Nǫ̀htsı̨ ghǫ naxınì nàtsoò aahłe, eyıts'ǫ sı̨ sı seghǫ naxınì nàtsoò aahłe.

John 14:27

Naxıxè sìghà hòɂǫ agohłe ha. Sexè sìghà hòɂǫǫ sìı naxıghàehɂà ha. Dıı nèk'e dànì dǫ gıxè hòɂǫǫ lanì naxıghàhoehɂà ha-le. T'asìı ghǫ nànıahdè-le eyıts'ǫ dahjı̨-le.

Zezì Wecheekeèdeè 17:3

Ayìı dek'eèhtł'è ghàà gots'ǫ̀ goı̨de, “Chrıst daı̨ɂa ha, eyıts'ǫ ełaı̨wo gots'ǫ naìdà ha. Dıı Zezì weghǫ naxıts'ǫ̀ gohdee sìı Chrıst hǫt'e,” gòhdı.