Mark 12:6 - Nǫ̀htsı̨ Nı̨htł'è

⁶ “Dǫ ı̨łè zǫ gots'ǫ̀ yeehɂà ha whedaà ajà: edeza ghǫneètǫǫ sìı ekǫ yeehɂà ha nıwǫ. Eyıt'à nǫǫde ts'ǫ̀ edeza gots'ǫ̀ yeèhɂà, edets'ǫ̀ hadı, ‘Seza ts'ǫ̀ nezı̨į̀ nageɂa ha ne,’ hadı.

Mark 12:6 ပူးပေါင်းရင်းမြစ်များ

Dànì Kèhoį̀wo 22:12

“Dǫzhìa ełaı̨hwhı-le,” yèhdı. “T'asawı̨ı̨le-le. Neza ı̨łàet'ea nets'ǫ sìı sech'à wek'ènedì-le t'à sıì Nǫ̀htsı̨ k'èanet'e nǫǫ̀!” yak'eet'ı̨į̀ yèhdı.

Dànì Kèhoį̀wo 22:2

Nǫ̀htsı̨ hayèhdı, “Neza ı̨łàet'ee Isaac weghǫneę̀tǫǫ sìı yeè Morayah nèk'e ts'ǫ̀ edexè awı̨ı̨le. Ekǫ shìh ı̨łè nets'ǫ̀ haehsı̨ ha sìı weka neza ełaı̨whı gà sets'ǫ̀ wek'eı̨hk'ǫ̀ ha,” yèhdı.

Dànì Kèhoį̀wo 37:3

Jacob ǫhdah whelı̨ tł'axǫǫ̀ Joseph wegǫ̀hłı̨ t'à edeza hazǫǫ̀ gonahk'e yeghǫneètǫ, eyıt'à ɂeh wek'aàtsı̨į̀ nezı̨ı̨ yegha whehtsı̨.

Dànì Kèhoį̀wo 44:20

Dıı hanèts'edı ı̨lè, ‘Gotà gǫ̀hłı̨, sıì ǫhdah hǫt'e. Eneèko whelı̨ tł'axǫǫ̀ weza gǫ̀hłı̨. Weza nǫǫdea wı̨ı̨de ełaı̨wo, eyıt'à wemǫ ts'ǫ weza ı̨łàet'ea zǫ ı̨łaà eda hǫt'e, eyıts'ǫ wetà yeghǫneètǫ,’ nèts'edı ı̨lè.

Matthew 1:23

“T'eekogòò hotıì eda-le ade ha, dǫzhìa nìhtè ha eyıts'ǫ Emmanuel wìyeh ha,” hadı ı̨lè. (Emmanuel ts'edıı sìı “Nǫ̀htsı̨ goxè nàwo” ts'edıì-ats'edı.)

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Matthew 26:63

Hanìkò Zezì xàyaı̨htı-le. Eyıt'à yahtıı-wet'àaɂàa-deè hayèhdı, “Nǫ̀htsı̨ edaa sìı wıızì dahxà gots'ǫ̀ ehkw'ı goı̨de. Nǫ̀htsı̨ Weza, Chrıst anet'e nı̨dè gots'ǫ̀ haı̨dı,” yèhdı.

Matthew 3:17

Yak'e gots'ǫ hats'edıì hǫt'e, “Dıı sìı Seza hǫt'e, weghǫneehtǫ eyıts'ǫ weghǫ sìghà dehwhǫ,” hats'edıì hǫt'e.

Mark 1:11

Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.

Mark 12:5

Eyıt'à k'àowo k'achı̨ edecheekeè eyıì-le gots'ǫ̀ yeèhɂà, hanìkò ełaàgį̀ı̨hwho. K'achı̨ wecheekeè eyıì-le łǫ ekǫ nagoèhɂà, hanìkò mǫ̀hdaa gokwǫ̀ǫyaà-gogį̀į̀là eyıts'ǫ mǫ̀hdaa ełaàgogį̀ı̨hdè.

Mark 12:7

“Hanìkò dèè-k'ègedìı-dǫǫ̀ weza gıaɂı̨ ekò hałègeedı, ‘Dıı k'àowo weza sìı dıı dèè wegha elı̨ ha hǫt'e. Ełaàwets'èhwhı, hanì-ı̨dè wedèè goxı̨ goghaelı̨į̀ ade ha,’ gedı.

Mark 9:7

Hǫtsaa k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza hǫt'e, weghǫneehtǫ; weàhkw'ǫ!” hats'edıì hǫt'e.

Luke 3:22

Yedàyeh Nezı̨ı̨ Zezì k'e ajà, k'àba degoo lanì wègaat'ı̨. Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.

Luke 9:35

K'oh yìı gots'ǫ gots'edeè hǫt'e, “Dıı Seza hǫt'e, wììhchì hǫt'e, weàhkw'ǫ,” hats'edıì hǫt'e.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 1:34

Eyı dǫ wets'ǫ̀ dàgòjàa sìı sedaà agòjà t'à, Nǫ̀htsı̨ Weza hǫt'e wek'èehsǫ,” John-Baptıst gòhdı.

John 1:49

Eyıt'à Nathanael hadı, “K'àowo, nı̨ sìı Nǫ̀htsı̨ Weza anet'e, Israel got'ı̨į̀ gha K'àowocho anet'e,” yèhdı.

John 3:35

Nǫ̀htsı̨ edeza ghǫneètǫ hǫt'e, eyıts'ǫ t'asìı hazǫǫ̀ gha k'àowo elı̨į̀ ayı̨į̀là.

John 5:23

Hanì-ı̨dè dǫ hazǫǫ̀ Gotà ts'ǫ̀ nezı̨į̀ nageɂa lanì Weza ts'ǫ̀ nezı̨į̀ nageɂa ha. Gotà Edeza gots'ǫ̀ yı̨ı̨hɂà t'à, amìı Weza ts'ǫ̀ nezı̨į̀ nageɂa-le sìı Wetà ts'ǫ̀ nezı̨į̀ nageɂa-le hǫt'e.

Hebrew 1:6

Eyıts'ǫ Nǫ̀htsı̨ xàè Edeza dıı nèk'e ts'ǫ̀ yı̨ı̨hɂà kwe yeghǫ dıı hadı ı̨lè, “Nǫ̀htsı̨ weyak'eet'ı̨į̀ hazǫǫ̀ gıghàsǫedı welè,” dek'eèhtł'è.

1 John 4:9

Nǫ̀htsı̨ dàı̨hcho ts'ǫ̀ goghǫneètǫǫ sìı dıı weghàà wek'èts'eezǫǫ̀ agǫ̀ǫ̀là: Weza wet'ǫ̀ǫ̀ ts'eeda ha goı̨hwhǫ t'à, Edeza ı̨łàet'ee zǫ dıı nèk'e ts'ǫ̀ ayį̀į̀là.

3 John 1:1

Sı̨ Zezì-Krı wecheekeèdeè aht'ee sìı seàgı̨ą Gaıus nàowo ehkw'ıı k'ę̀ę̀ weghǫneehtǫǫ sìı wets'ǫ̀ eehtł'è hǫt'e.