Mark 12:43 - Nǫ̀htsı̨ Nı̨htł'è

⁴³ Zezì edecheekeè gokayaı̨htı gà gots'ǫ̀ hadı, “Ehkw'ı anaxèehsı̨, eyı ts'èko eteèt'ı̨ı̨ sìı dǫ hazǫǫ̀ nahk'e sǫǫ̀mba deyìı̨hde hǫt'e.

Mark 12:43 ပူးပေါင်းရင်းမြစ်များ

Matthew 10:42

Ehkw'ı anaxèehsı̨, dıı secheekeè sexè aget'ı̨ı̨ sìı dǫ gha dek'aɂį̀ gı̨ı̨lı̨ kò, secheekeè aget'ı̨ gok'ègeezǫ t'à, dǫ tı whek'òo zǫ goghàı̨dì nı̨dè wek'èxa t'asìı nezı̨ı̨ weghǫ̀t'à ha hǫt'e,” Zezì edecheekeè gòhdı.

Mark 12:42

Ts'èko eteèt'ı̨ı̨ wedǫzhıì ełaı̨woo sìı eyı nììtła ekò satsǫ̀ą dek'oo nechà-lea nàke deyìı yìı̨hde. Eyı satsǫ̀ą nàke sìı ı̨łè satsǫ̀ą k'aɂį̀ elı̨ hǫt'e.

Mark 12:44

Dǫ hazǫǫ̀ sǫǫ̀mba łǫ gıts'ǫ sìı weta ts'ǫ mǫ̀hdaa zǫ eyı nègı̨ı̨la, hanìkò eyı ts'èko eteèt'ı̨ı̨ sìı yet'à edaa sǫǫ̀mbaà hazǫǫ̀ deyìı yı̨ı̨wa,” gòhdı.

John 8:20

Zezì hadıì gots'ǫ̀ goı̨de ekò Nǫ̀htsı̨kǫ̀-gocho gà dǫ hoghàgoehtǫ ı̨lè. Sǫǫ̀mba nègelee k'è gà nıwà-lea wheda ı̨lè, hanìkò ı̨łaà wegha nèhòkw'ı-le t'à dǫ wı̨ı̨zìı dayaachì-le.

Zezì Wecheekeèdeè 11:29

Antıoch Nǫ̀htsı̨ wecheekeè nàgedèe sìı Judea nèk'e Nǫ̀htsı̨ wecheekeè ts'àgedı ha gı̨ı̨wǫ. Eyıt'à sǫǫ̀mba t'aàtłǫ nègeɂà ha dìì-le sìı haàtłǫ nègı̨ı̨la.

2 Corınth 8:12

Godzeè t'à t'asìı dǫ ghàts'eɂà nı̨dè Nǫ̀htsı̨ wegha nezı̨ hǫt'e. Ayìı dàtłǫ gots'ǫ weghàà t'asìı dǫ ghàts'eɂà ha goı̨hwhǫ hǫt'e, t'asìı gots'ǫ-le weghàà ats'et'ı̨ ha goı̨hwhǫ nıìle.

2 Corınth 8:2

Sıì gıxè hoìla łǫ kò sıì sǫgı̨ı̨wǫ, eyıts'ǫ sıì etegeèt'ı̨ kò ededzeè t'à t'aats'ǫǫ̀ t'asìı dǫ ghàgele.