Mark 12:35 - Nǫ̀htsı̨ Nı̨htł'è

³⁵ Zezì Nǫ̀htsı̨kǫ̀-gocho gà dǫ hoghàehtǫ ekò, gots'ǫ̀ hadı, “Dànìghǫ Nǫ̀htsı̨-yatıì-k'ègedìı-dǫǫ̀ Chrıst, k'àowocho Davıd Weza ne gıìhdı?

Mark 12:35 ပူးပေါင်းရင်းမြစ်များ

Matthew 26:55

Eyı tł'axǫǫ̀ Zezì dǫ nègı̨ı̨dee sìı ts'ǫ̀ hadı, “Ayìıha behcho eyıts'ǫ dechı̨ sets'ǫ̀ k'eahłe? Ełets'egǫ gha aht'ı̨ dahwhǫ nì? Dzę taàt'eè Nǫ̀htsı̨kǫ̀-gocho gà dǫ hoghàehtǫ ı̨lè, hanìkò sèahchì-le ı̨lè.

Matthew 9:27

Zezì eyı gots'ǫ naèhtła ekò dǫ nàke gıdaà goìlee gık'èè łeèhtła, nagıìzeh xè Zezì ts'ǫ̀ hagedı, “K'àowocho Davıd Weza, etegòı̨hɂı̨!” gedı nagıìzeh.

Mark 10:1

Zezì eyı kǫ̀ta ts'ǫǫ̀ naèhtła tł'axǫǫ̀ Judea nèk'e ts'ǫ̀ ajà, Jordan-deh nıɂàa wete ts'ǫ̀ ajà. K'achı̨ dǫ łǫ yets'ǫ̀ ełèwhede eyıts'ǫ hoghàgoehtǫ, t'aats'ǫǫ̀ hat'ı̨ ı̨lè t'à.

Mark 11:27

K'achı̨ Jerusalem nìagı̨ı̨de ekò Nǫ̀htsı̨kǫ̀-gocho ts'ǫ̀ geède. Nǫ̀htsı̨kǫ̀-gocho gà gıadè ekò yahtıı-gha-k'aodèe, Nǫ̀htsı̨-yatıì-k'èdìı-dǫǫ̀ eyıts'ǫ ǫhdah gı̨ı̨lı̨ı̨ sìı Zezì ts'ǫ̀ geède,

Mark 14:49

Dzę taàt'eè Nǫ̀htsı̨kǫ̀-gocho gà dǫ hoghàehtǫ ı̨lè, hanìkò sèahchì-le ı̨lè. Nǫ̀htsı̨ Nı̨htł'è k'ę̀ę̀ agode ha t'à, dıı hagode ha t'ıį̀t'e,” gòhdı.

Luke 19:47

Dzę taàt'eè Zezì Nǫ̀htsı̨kǫ̀-gocho gà dǫ hoghàehtǫ. Hanìkò yahtıı-gha-k'aodèe, Nǫ̀htsı̨-yatıì-k'ègedìı-dǫǫ̀ eyıts'ǫ k'aodèe gı̨ı̨lı̨ı̨ sìı Zezì ełaàgehwhı ha hogeèhdzà.

Luke 20:1

Įłàà Zezì Nǫ̀htsı̨kǫ̀-gocho gà dǫ hoghàehtǫ xè godı nezı̨ı̨ t'à gots'ǫ̀ gode ekò yahtıı-gha-k'aodèe, Nǫ̀htsı̨-yatıì-k'ègedìı-dǫǫ̀ eyıts'ǫ ǫhdah gı̨ı̨lı̨ı̨ sìı Zezì ts'ǫ̀ geède,

Luke 21:37

Dzę taàt'eè Zezì Nǫ̀htsı̨kǫ̀-gocho gà dǫ hoghàgoehtǫ, eyıts'ǫ xèhts'ǫ̀ taàt'eè shìh Olıvet ekǫ to hoehwhı.

John 18:20

Zezì yets'ǫ̀ hadı, “Dǫ hazǫǫ̀ gıdaà goıhde ı̨lè. Ełègehdèe-kǫ̀ eyıts'ǫ Nǫ̀htsı̨kǫ̀-gocho gà Israel got'ı̨į̀ ełègehdèe sìı t'aats'ǫǫ̀ ekǫ zǫ goıhde ı̨lè t'à dǫ naàhtǫ wı̨ı̨zìı xàyaehtı whìle.

John 7:42

Nǫ̀htsı̨ Nı̨htł'è k'e dıı hanì dek'eèhtł'è: Chrıst wèts'edıı sìı k'àowocho Davıd wèot'ı̨ gots'ǫ dǫ ı̨łè ade ha, eyıts'ǫ kǫ̀ta Bethlehem wegǫ̀hłı̨ ha, ekǫ k'àowocho Davıd nàı̨dè t'à,” gedı.