Mark 12:24 - Nǫ̀htsı̨ Nı̨htł'è

²⁴ Zezì gots'ǫ̀ hadı, “Nǫ̀htsı̨ Nı̨htł'è eyıts'ǫ Nǫ̀htsı̨ enıìyah t'à wegha dìì-le sìı wek'èahsǫ-le t'à ekǫ-le naxıgha ehkw'ı-ahodı.

Mark 12:24 ပူးပေါင်းရင်းမြစ်များ

Dànì Kèhoį̀wo 18:14

Gots'ǫ̀ K'àowo wegha t'asìı dezhìı gǫ̀hłı̨ nıìle. Įdae-xo eyı wek'ę̀ę̀ hòɂǫ ha dehwhǫ nı̨dè nets'ǫ̀ anahde ha. Ekìıyeè k'e nı̨dè Sarah wezaa gǫ̀hłı̨ ha,” gots'ǫ̀ K'àowo yèhdı.

Matthew 22:29

Zezì gots'ǫ̀ hadı, “Nǫ̀htsı̨ Nı̨htł'è eyıts'ǫ Nǫ̀htsı̨ enıìyah t'à wegha dìì-le sìı wek'èhoahsǫ-le t'à, ekǫ-le naxıgha ehkw'ı-ahodı.

Mark 10:27

Zezì goghàeda xè hadı, “Dǫ gıgha dìì hǫt'e, hanìkò Nǫ̀htsı̨ wegha dìì-le hǫt'e; Nǫ̀htsı̨ t'asìı wı̨ı̨zìı wegha dìì gǫ̀hłı̨ nıìle,” gòhdı.

Mark 12:23

Eyıt'à dǫ naìdàa dzęę̀ k'e nı̨dè eyı ts'èko ełechı łǫ̀hdı̨ hazǫǫ̀ goxè hǫat'į̀ ne t'à amìı ts'èkeè elı̨ ha?” gedıì Zezì dageehke.

Mark 12:25

Dǫ naìdàa dzęę̀ k'e nı̨dè ełexè honìgedè ha nıìle, yak'eet'ı̨į̀ lagı̨ı̨t'e ha.

Luke 1:37

Nǫ̀htsı̨ sìı t'asìı wegha dìì gǫ̀hłı̨ nıìle,” yèhdı.

John 20:9

(Nǫ̀htsı̨ Nı̨htł'è k'e Zezì naìdà ha hǫt'e dek'eèhtł'èe sìı ı̨łaà gınıedì-le.)

John 5:39

Nǫ̀htsı̨ Nı̨htł'è wet'à welǫ whìle ts'ǫ̀ ts'eeda ha dahwhǫ t'à, hotıì weghàdeahtǫ. Eyı Nǫ̀htsı̨ Nı̨htł'è sìı seghǫ godeè adı hǫt'e,

Zezì Wecheekeèdeè 17:11

Israel got'ı̨į̀ kǫ̀ta Berea nàgedèe sìı kǫ̀ta Thessalonıca got'ı̨į̀ nahk'e gınezı̨. Godı nezı̨ı̨ gıìkw'o t'à gınà. Asį̀į̀ Paul ehkw'ı gode gı̨ı̨wǫ t'à dzę taàt'eè Nǫ̀htsı̨ Nı̨htł'è k'eyagehtı.

Rome 15:4

Įnę̀ę whaà Nǫ̀htsı̨ Nı̨htł'è k'e t'asìı hazǫǫ̀ dek'eèhtł'èe sìı wet'à hoghàgoetǫ gha adlà hǫt'e. Ayìı dek'eèhtł'èe sìı wek'eyats'ehtı nı̨dè wet'à goınì nàtsoò ade ha hǫt'e eyıts'ǫ edaxàts'eedè ha.

Ephesus 1:19

Eyıts'ǫ goxı̨ gogha ehkw'ı-ahodıı sìı t'asìı enıìyah t'à nàtsoò godzeè yìı ayį̀į̀làa sìı eyı wek'èahsǫ gha yahtı hǫt'e. Eyı t'asìı nàtsoo t'à Nǫ̀htsı̨ godzeè yìı nàtsoò eghàlaeda hǫt'e.

Phılıppı 3:21

Ededı̨ t'asìı wegha dìì-le t'à t'asìı hazǫǫ̀ yek'èı̨t'e agohɂı̨. Gozhį̀į̀ nàtso-lea sìı wezhį̀į̀ xèht'eè enıìyah t'à wèdaat'ı̨į̀ ayele ha.