Mark 11:14 - Nǫ̀htsı̨ Nı̨htł'è

¹⁴ Zezì eyı ts'ı ts'ǫ̀ hadı, “K'achı̨ jìecho wı̨ı̨zìı nek'e dehshe welè-le.” Hadıı sìı wecheekeè gıìkw'o.

Mark 11:14 ပူးပေါင်းရင်းမြစ်များ

Matthew 21:19

Tı̨lıbàa ts'ı nàı̨ɂa yaɂı̨ t'à yets'ǫ̀ èhtła, hanìkò wek'e jìecho whìle, ı̨t'ǫ̀ą zǫ wek'e whela. Eyıt'à ts'ı ts'ǫ̀ hadı, “K'achı̨ nekw'ıhchı̨į̀ k'e jìecho dehshe hǫı̨lı̨ ha-le!” hadı. Ekòet'ıì ts'ı whegǫǫ̀ ajà.

Matthew 21:33

“K'achı̨ godı eyıì-le t'à naxıxè gohdo ha: K'àowo ı̨łè ededèè k'e jìechots'ıì dehshe ha nèyı̨ı̨la. Eyı dèè wemǫǫ̀ kwe t'à kwı̨į̀ nawheɂaà ayį̀į̀là, jìecho tàtsǫgeèhɂee k'è gòhtsı̨ eyıts'ǫ wegodoo dǫ jìechots'ıì xoehdı ha dagòɂǫǫ k'è gòhtsı̨. Eyı haàtłǫǫ hayį̀į̀là tł'axǫǫ̀ dèè-k'ègedìı-dǫǫ̀ gık'e eghàlaeda ha ededèè goghǫnìyį̀ı̨ɂǫ, eyı tł'axǫǫ̀ nıwà kǫ̀taèhtła.

Matthew 21:44

Amìı eyı kwe k'e nàakw'oo sìı wedıhołè ha, eyıts'ǫ amìı eyı kwe wek'e nàakw'oo sìı t'asìı nadlı̨ ha-le,” gòhdı.

Matthew 3:10

Ts'ı nàekwį̀ ha gokwı̨ hòt'a ts'atà wheɂǫ hǫt'e. Ts'ı hazǫǫ̀ wek'e jìecho nezı̨-le dehshee sìı nàgeehkà gà kwıìgeehdè ha. (Eyıt'à hotıì ts'ı nezı̨ı̨ laaht'e.)

Matthew 7:19

Ts'ı hazǫǫ̀ wek'e jìecho nezı̨-le dehshee sìı nàgeehkà gà kwıìgeehdè ha.

Mark 11:13

Ekǫ nıwà-lea jìechots'ıì weɂı̨t'ǫ̀ą wek'e whela yaɂı̨. Jìecho wek'e dehshe sǫnı nıwǫ t'à ekǫ èhtła. Yegà nììtła ekò jìecho wı̨ı̨zìı wek'e wheɂǫ-le, ı̨t'ǫ̀ą zǫ. Įłaà jìecho dehshe ha nèhòwì-le.

Mark 11:15

Zezì Jerusalem nììtła ekò Nǫ̀htsı̨kǫ̀-gocho gà ts'ǫ̀ ajà. Ekǫ dǫ t'asìı ełeghǫ nàgeehdìı sìı hazǫǫ̀ xàgodeèzhì. Ladà k'e sǫǫ̀mba ehdagele eyıts'ǫ ladà k'e k'àba lanıı gıghǫ nàedìı sìı goghǫ kwìteyeèhde.

John 15:6

Dǫ sexè eda-le sìı kw'ıhchı̨į̀ xàgeht'à gà ɂǫ̀geehdè lanì hǫt'e. Kw'ıhchı̨į̀ whegǫǫ sìı hazǫǫ̀ nàgehtsį̀ gà kwıìgeehdè gà gık'eehk'ǫ̀ hǫt'e.

2 Peter 2:20

Gots'ǫ̀ K'àowo Zezì-Krı Edaxàgolee sìı gık'èezǫǫ̀ agejà t'à dıı nèk'e hołı̨ı̨ nàowoò ch'à edaxàgı̨ı̨de tł'axǫǫ̀, k'achı̨ hołı̨ı̨ nàowoò k'alagedè agejà nı̨dè, nǫǫde ts'ǫ̀ t'akwełǫ̀ǫ̀ nahk'e gıxè deɂǫ̀ǫ̀ hoìla agode ha hǫt'e.

John Wenazhıı 22:11

Amìı ekǫ-le eghàlaedaa sìı k'èdaà hawet'į̀; amìı hołı̨ı̨ hohtsı̨ı̨ sìı k'èdaà hawet'į̀. Amìı ehkw'ı eghàlaedaa sìı k'èdaà hawet'į̀, eyıts'ǫ amìı degaı k'ę̀ę̀ edaa sìı k'èdaà hawet'è,” hadı.