Mark 11:12 - Nǫ̀htsı̨ Nı̨htł'è

¹² Ek'èdaedzęę̀ k'e kǫ̀ta Bethany ts'ǫǫ̀ nageèhde ekò Zezì sıì bò waewıì ajà.

Mark 11:12 ပူးပေါင်းရင်းမြစ်များ

Matthew 4:2

Ekǫ dı̨ènǫ dzę ts'ǫ̀ t'asìı wı̨ı̨zìı wewàhǫǫdì-le, eyı tł'axǫǫ̀ sıì bò ghaewıì ajà.

Mark 11:13

Ekǫ nıwà-lea jìechots'ıì weɂı̨t'ǫ̀ą wek'e whela yaɂı̨. Jìecho wek'e dehshe sǫnı nıwǫ t'à ekǫ èhtła. Yegà nììtła ekò jìecho wı̨ı̨zìı wek'e wheɂǫ-le, ı̨t'ǫ̀ą zǫ. Įłaà jìecho dehshe ha nèhòwì-le.

Mark 11:20

K'omǫǫ̀dǫǫ̀ nagıadè ekò jìechots'ıì Zezì yets'ǫ̀ goı̨de ı̨lèe sìı hazǫǫ̀ whegǫ nǫǫ̀ gıaɂı̨.

Luke 4:2

Dı̨ènǫ dzęę̀ ts'ǫ̀ ekǫ ts'ǫ̀-èlı̨ ekò wehłı̨ı̨ yeèhdzà ha yek'alawo. Ekìıyeè k'e t'asìı wı̨ı̨zìı wewàhǫǫdì-le t'à sıì bò ghaewıì ajà.

John 19:28

Sìghaı̨waà tł'axǫǫ̀ Zezì hadı, “Tı waehwhı.” Hòt'a t'asìı hazǫǫ̀ weghàlaedà, eyıts'ǫ Nǫ̀htsı̨ Nı̨htł'è k'ę̀ę̀ agode ha yek'èezǫ t'à, “Tı waehwhı,” hadı.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.