Mark 10:52 - Nǫ̀htsı̨ Nı̨htł'è

⁵² Zezì yets'ǫ̀ hadı, “Naı̨tłe! Negha ehkw'ı-ahodı t'à k'aàt'ıì anejà,” yèhdı. Ekòet'ıì k'eet'į̀ ajà eyıts'ǫ Zezì k'èè naèhtła.

Mark 10:52 ပူးပေါင်းရင်းမြစ်များ

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

Matthew 12:22

Dǫ ı̨nìłı̨ı̨ wets'ǫ̀-èlı̨ t'à wedaà goìlee xè gode-le sìı Zezì gà nègı̨ı̨htı̨. Zezì k'aàt'ıì ayį̀į̀là t'à gode xè k'eet'į̀ anajà.

Matthew 15:28

Zezì yets'ǫ̀ hadı, “Ts'èko, sıì negha ehkw'ı-ahodı! Ayìı sı̨ı̨kèe sìı neghǫ̀t'à ha,” yèhdı. Eyıt'à ekòet'ıì wetì k'aàt'ıì ajà.

Matthew 21:14

Eyı hagòjà tł'axǫǫ̀, dǫ gıdaà goìlee eyıts'ǫ dǫ k'egedè-le sìı hazǫǫ̀ Nǫ̀htsı̨kǫ̀-gocho gà Zezì ts'ǫ̀ nègı̨ı̨de t'à k'aàt'ıì agǫ̀ǫ̀là.

Matthew 8:3

Zezì edılà dǫ k'e ayį̀į̀là, hayèhdı, “Hęɂę, hahwhǫ! K'aàt'ıì anede!” yèhdı. Ekòet'ıì wekwǫ̀ tàda whìle ajà.

Matthew 9:22

Zezì yets'ǫ̀ ets'aèhtła, yaɂı̨ t'à hayèhdı, “Ts'èko, nedzeè t'à nınà welè. Negha ehkw'ı-ahodı t'à k'aàt'ıì anejà,” yèhdı. Eyı ts'èko ekòet'ıì k'aàt'ıì ajà.

Mark 1:31

Eyıt'à Zezì yets'ǫ̀ èhtła, yılà nıìchì gà nıìtłaà ayı̨į̀là. Ekòet'ıì k'aàt'ıì ajà t'à weghǫ shèts'ezhee goghàedı.

Mark 5:34

Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè, eyıts'ǫ ayìı t'à daneeɂaa sìı neghǫ whìle awede,” yèhdı.

Mark 8:25

K'achı̨ Zezì edılà eyı dǫ wedaà k'e ayı̨į̀là. Ekòet'ıì wedaà k'aàt'ıì ajà eyıts'ǫ nezı̨į̀ t'asìı hazǫǫ̀ ghàedaà ajà.

Luke 7:50

Zezì ts'èko ts'ǫ̀ hadı, “Negha ehkw'ı-ahodı t'à edaxàneètı̨. Naı̨tłe, nexè sìghà welè,” yèhdı.

Luke 9:48

gots'ǫ̀ hadı, “Amìı sıızì dahxà dıı chekoa nechà-lea ts'ǫ̀ nezı̨į̀ anıwǫǫ sìı sı̨ sets'ǫ̀ nezı̨į̀ anıwǫ hǫt'e. Eyıts'ǫ amìı sets'ǫ̀ nezı̨į̀ anıwǫǫ sìı amìı jǫ sı̨ı̨hɂàa sìı eyı sı ts'ǫ̀ nezı̨į̀ anıwǫ hǫt'e. Naxını amìı dek'aɂį̀ elı̨ı̨ sìı denahk'e elı̨ hǫt'e,” gòhdı.

John 9:32

Dǫ wedaà goìle xè wegǫ̀hłı̨ı̨ sìı wedaà k'aàt'ıì adlà ghǫ ets'ıìkw'o whìle hǫt'e.

John 9:39

Zezì hadı, “Dıı nèk'e dǫ gısınìyaetı ha jǫ ts'ǫ̀ ahjà. Dǫ gıdaà goìlee sìı k'egeet'į̀ agede ha, eyıts'ǫ dǫ gıgha xègaat'ı̨ı̨ sìı gıdaà goìle agode ha,” gòhdı.