Mark 10:23 - Nǫ̀htsı̨ Nı̨htł'è

²³ Zezì dǫ hotıì goghàeda xè edecheekeè gots'ǫ̀ hadı, “Dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha wèhoedı-le hǫt'e,” gòhdı.

Mark 10:23 ပူးပေါင်းရင်းမြစ်များ

Matthew 18:3

Hadı, “Ehkw'ı anaxèehsı̨, eładı̨į̀ adèahłà xè dıı chekoa nechà-lea lanì adèahłà lenǫsıı Nǫ̀htsı̨ Wenàowoò k'ę̀ę̀ hòɂǫǫ goyaahdè hǫı̨lı̨ ha nıìle.

Mark 10:15

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yìhchì lenǫsıı, ekǫ goyaetła ha nıìle,” Zezì gòhdı.

Mark 10:22

Zezì hadı ts'ǫ̀et'ıì dǫ ts'ǫǫ̀nıwǫǫ̀ ajà xè naèhtła, dǫ ahxee-deè elı̨ t'à.

Mark 3:5

Zezì dǫ hazǫǫ̀ yemǫǫ̀ nàgeèhzaa sìı gots'ǫ̀ wek'èch'a xè hotıì goghàeda. Sıì gıkwì nàtso t'à wegha dìì. Eyı tł'axǫǫ̀ dǫ wılà ełeènııtsoo sìı ts'ǫ̀ hadı, “Nılà daį̀chı,” yèhdı. Edılà daìchì ts'ǫ̀et'ıì wılà k'aàt'ıì anajà.

Mark 5:32

Hanìkò Zezì amìı dayaachìı sìı ı̨łaà edemǫǫ̀ yekak'eèt'į̀.

Luke 18:24

Zezì hotıì yeghàı̨dà xè hadı, “Dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha wèhoedı-le hǫt'e!

John 3:5

Zezì yets'ǫ̀ hadı, “Ehkw'ı anèehsı̨, dǫ tı t'à eyıts'ǫ Yedàyeh Nezı̨ı̨ t'à wegǫ̀hłı̨ lenǫsıı Nǫ̀htsı̨ Wenàowoò k'ę̀ę̀ hòɂǫǫ sìı goyaetła ha nıìle.

1 Corınth 1:26

Sèot'ı̨ı̨, Nǫ̀htsı̨ naxıkayaı̨htı kwe dǫ dàhòt'ı̨ı̨ aahłı̨ ı̨lèe sìı ghǫ nànıahdè. Dıı nèk'e dǫ gınàowoò k'ę̀ę̀ naxıta gots'ǫ dǫ łǫ gogı̨ı̨zǫ ts'edı ha dìì, dǫ łǫ k'aodèe gı̨ı̨lı̨ı̨ ts'edı ha dìì, eyıts'ǫ dǫ łǫ dǫ ahxee gots'ǫ gıgǫ̀hłı̨ ts'edı ha dìì.

James 2:5

Sèot'ı̨ı̨, seàhkw'ǫ: dǫ-teèt'ı̨ı̨ gı̨ı̨lı̨ı̨ sìı gıgha ehkw'ı-ahodı ha Nǫ̀htsı̨ gòį̀hchì hǫt'e, eyıt'à gıxè sìghà hòɂǫ hǫt'e. Dıı nèk'e gogha dǫ-teèt'ı̨ı̨ gı̨ı̨lı̨ı̨ kò, Nǫ̀htsı̨ goghǫ dıı hadı, “Gıgha ehkw'ı aehsı̨ xè seghǫnegeètǫ t'à dǫ ahxee gı̨ı̨lı̨ ha eyıts'ǫ senàowoò k'ę̀ę̀ hòɂǫǫ gıghǫ̀t'à ha,” hadı.

James 4:4

Naxı̨ sìı Nǫ̀htsı̨ k'èch'a aaht'ı̨ hǫt'e. Dıı nèk'e gots'ǫ dǫ gıàgı̨ą ts'ı̨ı̨lı̨ nı̨dè Nǫ̀htsı̨ wedzats'ı̨ı̨hwhǫ hǫt'e, wek'èahsǫ-le nì? Amìı dıı nèk'e ts'ǫ nàowołı̨ı̨ k'ę̀ę̀ at'ı̨ı̨ sìı Nǫ̀htsı̨ ts'ǫ̀ xànıɂaà ade ha hǫt'e.

2 Peter 1:11

Hanìkò gots'ǫ̀ K'àowo Zezì-Krı, Edaxàgolee elı̨ı̨ sìı, wenàowoò k'ę̀ę̀ welǫ whìle ts'ǫ̀ hòɂǫǫ sìı goyaahdè t'à Nǫ̀htsı̨ naxıghǫ wınà ha hǫt'e.