Mark 10:22 - Nǫ̀htsı̨ Nı̨htł'è

²² Zezì hadı ts'ǫ̀et'ıì dǫ ts'ǫǫ̀nıwǫǫ̀ ajà xè naèhtła, dǫ ahxee-deè elı̨ t'à.

Mark 10:22 ပူးပေါင်းရင်းမြစ်များ

Matthew 13:22

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o hanìkò t'asìı łǫ ghǫ nànıgedè eyıts'ǫ sǫǫ̀mba łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

Matthew 19:22

Eyı cheko wesǫǫ̀mbaà łǫ t'à, Zezì hadı ıìkw'o ekò ts'ǫǫ̀nıwǫǫ̀ lajà xè naèhtła.

Matthew 27:3

Zhıdàà, Zezì k'aodèe gotł'aàyį̀ı̨htı̨ı̨ sìı, Zezì ełaàgehwhı ha gısınìyaı̨htı yeghǫ ıìkw'o ekò wegha dìì xè edek'eelı̨. Eyıt'à yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı gots'ǫ̀ naèhtła gà satsǫ̀ą degoo goghǫǫyį̀ı̨wa.

Mark 10:21

Zezì yeghàeda xè yeghǫneètǫ, hayèhdı, “T'asìı ı̨łè zǫ hanelà-le. Naı̨tłe, t'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ gıghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'eı̨da,” Zezì yèhdı.

Mark 10:23

Zezì dǫ hotıì goghàeda xè edecheekeè gots'ǫ̀ hadı, “Dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha wèhoedı-le hǫt'e,” gòhdı.

Mark 6:26

K'àowocho Herod sıì yek'eelı̨, hanìkò hòt'a dǫ hazǫǫ̀ yexè shègezhee sìı gıdaà yatı nàtsoo whehtsı̨ t'à, į̀le yèhdı ha nıwǫ-le.

Luke 12:15

Zezì dǫ hazǫǫ̀ ts'ǫ̀ hadı, “Edexoahdı, ets'edì-le hazǫǫ̀ xàɂaa ch'à edexoahdı! Dǫ t'asìı łǫ wets'ǫ t'à zǫ eda nıìle,” gòhdı.

Luke 18:23

Eyı dǫ Zezì hadıì ıìkw'o ekò ts'ǫǫ̀nıwǫ lajà, dǫ ahxee-deè elı̨ t'à.

2 Corınth 7:10

Nǫ̀htsı̨ wınì k'ę̀ę̀ godzeè etse nı̨dè edek'ets'ı̨ı̨lı̨, eyı wet'à edaxàgotè hǫt'e. Hanì godzeè etse nı̨dè ı̨daà t'asìı wı̨ı̨zìı k'ets'ı̨ı̨lı̨ ha-le. Hanìkò dǫ gınàowoò k'ę̀ę̀ godzeè etsee sìı wet'à ełaàts'ede ha hǫt'e.

Ephesus 5:5

Dıı sìı hotıì wek'èahsǫ welì: Dǫ hołı̨ı̨ nàowoò k'ę̀ę̀ edaa, hołı̨ı̨ k'ehoɂaa, hanì-le-ı̨dè t'asìı gha edì-le sìı Zezì-Krı eyıts'ǫ Nǫ̀htsı̨ gınàowoò k'ę̀ę̀ hòɂǫǫ sìı weghǫ̀t'à ha nıìle. (Dǫ dıı nèk'e ts'ǫ t'asìı gha edì-le sìı wegha nǫ̀htsı̨ lanì at'į̀ hǫt'e.)

2 Tımothy 4:10

Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.