Mark 1:27 - Nǫ̀htsı̨ Nı̨htł'è

²⁷ Dǫ hazǫǫ̀ gıgha enıìyah t'à ełets'ǫ̀ hagedı, “Dàgot'ı̨į̀-agot'ı̨? Nàowo eładı̨ı̨ k'ę̀ę̀ hoghàgoehtǫ eyıts'ǫ ededı̨ t'asìı hazǫǫ̀ ts'ǫ̀ k'àowo elı̨ ladıì gode. Yatı nàtsoo t'à ı̨nìłı̨ı̨ ts'ǫ̀ gode nı̨dè gık'èı̨t'e,” gedı.

Mark 1:27 ပူးပေါင်းရင်းမြစ်များ

Matthew 15:31

Dǫ k'egedè-le sìı k'egedè agejà, dǫ gogede-le sìı gogedeè agejà eyıts'ǫ dǫ gıdaà goìlee sìı k'egeet'į̀ agejà. Dǫ gıxè hagòjà gıaɂı̨ ekò sıì gıgha enıìyah t'à Israel got'ı̨į̀ Gınǫ̀htsı̨ ghàsǫgeedı.

Matthew 8:9

Sı̨ kò segha k'àowo gǫ̀hłı̨ eyıts'ǫ eghǫǫ-dǫǫ̀ gıgha k'àowo ehłı̨. Dǫ ı̨łè ‘Yeè nàątła,’ wèehsı̨ nı̨dè ekǫ nàtła, eyıts'ǫ k'achı̨ ı̨łè ‘Jǫ nàątła,’ wèehsı̨ nı̨dè jǫ nàtła. Secheekeè, ‘Dıı hanele,’ wèehsı̨ nı̨dè hayehɂı̨,” yèhdı.

Matthew 9:33

Zezì ı̨nìłı̨ı̨ xàdeèzhì tł'axǫǫ̀, eyı dǫ gode-le ı̨lèe sìı godeè ajà. Dǫ hazǫǫ̀ gıgha enıìyah dìì t'à hagedı, “Israel nèk'e dıı hagòjà ts'aɂı̨ whìle,” gedı.

Mark 1:26

Hayèhdı t'à ı̨nìłı̨ı̨ hòtł'ò dǫ nàı̨hxà xè whezeè ayį̀į̀là gà yeyìı gots'ǫ xàèhtła.

Mark 1:28

Ekòet'ıì Galılee nèk'e hazǫǫ̀ ts'ǫ̀ wegodıì dǫ ta ts'ǫ̀ ajà.

Mark 10:24

Hadı t'à wecheekeè gıgha enıìyah dìì. Hanìkò Zezì k'achı̨ hadı, “Secheekeè, Nǫ̀htsı̨ Wenàowoò k'ę̀ę̀ hòɂǫǫ goyats'eedè ha sìı sıì wèhoedı nıìle!

Mark 10:32

Jerusalem ts'ǫ̀ Zezì wecheekeè yek'èè gıadè ekò Zezì ghǫ sıì gıgha enıìyah dìì, hanìkò dǫ eyıì-le goxè aget'ı̨ı̨ sìı geejı̨. Zezì edecheekeè hoònǫ-daats'ǫ̀-nàke whatsǫǫ̀ nègòǫwa gà wets'ǫ̀ dàgode ha sìı ghǫ gots'ǫ̀ goı̨de,

Mark 16:5

Kwe yìı Zezì wekw'ǫǫ̀ whetǫǫ k'è goyageède ekò nàgòts'ehnèe k'e cheko wheda gıaɂı̨. ɂeh degoo nedèe yìı wheda. Ts'èko gıaɂı̨ ekò sıì dahdzıgı̨ı̨dè.

Mark 16:6

Eyı cheko ts'èko gots'ǫ̀ hadı, “Dahjı̨-le. Zezì, Nazareth got'ı̨į̀, dechı̨et'aa k'e ełaı̨wo wekak'eaht'į̀ı̨ sìı naìdà ı̨lè! Eyıt'à jǫ wheda-le. Edı̨į̀ wekw'ǫǫ̀ whetǫ ı̨lèe sìı wetł'axǫǫ̀ k'eaht'į̀.

Mark 7:37

Dǫ sıì gıgha enıìyah t'à, hagedı, “Enıìyah łǫ hòèhtsı̨. Dǫ gıdzıì goìlee sìı egeèhkw'ǫǫ̀ agohɂı̨ eyıts'ǫ dǫ gogede-le sìı gogedeè agohɂı̨,” gedı.

Luke 4:36

Dǫ hazǫǫ̀ gıgha enıìyah t'à ełets'ǫ̀ hagedı, “Yatı enıìyah t'à gode eyıts'ǫ t'asìı hazǫǫ̀ ts'ǫ̀ k'àowo k'ę̀ę̀ gode. Yatı nàtsoo t'à ı̨nìłı̨ı̨ ts'ǫ̀ gode nı̨dè xàgeedè,” gedı.

Luke 9:1

Zezì edecheekeèdeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha eyıts'ǫ dǫ k'aàt'ıì agele ha goghàhòı̨ɂǫ.

Zezì Wecheekeèdeè 17:19

Eyıt'à dǫ łǫ dèhkw'ee k'è gòɂǫǫ, Ayopagus gòyeh, ekǫ ts'ǫ̀ geèhchì. Paul ts'ǫ̀ hagedı, “Dıı godı eładı̨ı̨ t'à dǫ hoghàı̨htǫǫ sìı wek'èts'eezǫ ha ts'ı̨ı̨wǫ.