Luke 9:39 - Nǫ̀htsı̨ Nı̨htł'è

³⁹ Įnìłı̨ı̨ yek'alawo nı̨dè hǫtsaa yaèzeh anat'į̀. Įnìłı̨ı̨ yets'ǫ̀ k'àowo t'à dèè k'e ts'ǫ̀ yeehxà gà ts'ehłı̨ lat'į̀. Eyıts'ǫ wewà gots'ǫ goghoo xàewì. Įnìłı̨ı̨ yets'ǫǫ̀ ade-le t'à ełaàyèhwhı ha lanì.

Luke 9:39 ပူးပေါင်းရင်းမြစ်များ

Mark 9:18

Įnìłı̨ı̨ wexèıdı taàt'eè dèè k'e ts'ǫ̀ nàyehxà xè wewà ts'ǫ goghoo at'ı̨, edeghòò ełek'eek'à eyıts'ǫ wekw'ǫǫ̀ ehkw'ı-ètsò at'ı̨. Necheekeè ı̨nìłı̨ı̨ xàdegıızhı ha dagııhke, hanìkò hagele ha dìì,” dǫ yèhdı.

Mark 9:20

Eyıt'à dǫzhìa Zezì ts'ǫ̀ geèhchì. Įnìłı̨ı̨ Zezì eɂı̨ ts'ǫ̀et'ıì, dǫzhìa hòtł'ò ts'ehłı̨ lat'ı̨ ayį̀į̀là. Dǫzhìa dèè k'e nàakw'o, k'edeɂà xè wewà ts'ǫ goghoo xàewì.

Mark 9:26

Įnìłı̨ı̨ whezeh, dǫzhìa sıì ts'ehłı̨ lat'ı̨ ayı̨į̀là tł'axǫǫ̀ yeyìı ts'ǫ xàèhtła. Dǫzhìa dǫ ełaı̨wo lanì wègaat'ı̨ t'à, dǫ hagedı, “Ełaı̨wo ne,” gedı.

Luke 4:35

Zezì yets'ǫ̀ hadı, “Įhłı̨į̀ aąt'e! Weyìı gots'ǫ xàı̨tłe!” yèhdı. Hadı t'à dǫ hazǫǫ̀ gıdaà ı̨nìłı̨ı̨ dǫ ı̨zhıì nàı̨hxà gà yeyìı gots'ǫ xàèhtła. Hanìkò eyı dǫ t'asajà-le.

Luke 8:29

Zezì dǫ yìı gots'ǫ ı̨nìłı̨ı̨ xàyeèhɂà t'à adı. Įnę̀ę ı̨nìłı̨ı̨ goı̨tłǫ yek'alaı̨wo. Hat'ı̨ taàt'eè eyı dǫ wılà eyıts'ǫ wekechı̨į̀ satsǫ̀tł'ıì t'à deetł'ı̨į̀ agehɂı̨ ı̨lè. Dǫ gıxoehdı kò satsǫ̀tł'ıì tàyeehdlà gà ı̨nìłı̨ı̨ gowhatsǫǫ̀ gòɂǫǫ ts'ǫ̀ nadeyeezhı.

Luke 9:38

Dǫ gıta ts'ǫ dǫ ı̨łè whezeh hadı, “K'àowo, etesį̀ı̨ɂı̨, sezaa ghàı̨da. Seza ı̨łàet'ee zǫ hǫt'e.

Luke 9:40

Necheekeè ı̨nìłı̨ı̨ xàdegeezhı ha gıghǫnàdaehtì, hanìkò hagele ha dìì,” yèhdı.

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

John Wenazhıı 9:11

Gıts'ǫ k'àowo sìı dèè yìı gǫǫ̀ɂàa gots'ǫ yak'eet'ı̨łı̨ı̨ hǫt'e. Eyı yak'eet'ı̨łı̨ı̨ sìı Israel got'ı̨į̀ gıyatıì k'ę̀ę̀ “Abadon” wìyeh eyıts'ǫ Greece got'ı̨į̀ gıyatıì k'ę̀ę̀ “Apollyon” wìyeh (eyı sìı “t'asìı yedıhohtsı̨” gedıì-agedı).