Luke 9:32 - Nǫ̀htsı̨ Nı̨htł'è

³² Eyı hagot'ı̨ ekò Peter eyıts'ǫ dǫ nàke gıxè at'ı̨ı̨ sìı sıì nègı̨ı̨tsǫ t'à hòtł'ò gete. Ts'ıgı̨ı̨dè ekò Zezì wek'e saı̨dı̨ t'à sıì wèdaat'ı̨ gıaɂı̨ eyıts'ǫ dǫ nàke wegà nàłeewo.

Luke 9:32 ပူးပေါင်းရင်းမြစ်များ

Mark 14:40

Edecheekeè goghǫ nǫ̀ǫtła ekò sıì begeèxı̨ t'à k'achı̨ gete nǫǫ̀. Zezì ts'ǫ̀ agııdì whìle.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

2 Peter 1:16

Gots'ǫ̀ K'àowo Zezì-Krı dıı nèk'e ts'ǫ̀ ajà eyıts'ǫ dànì nàtso wehòhɂǫ ghǫ naxıxè gots'adoo sìı ekìı godı dǫ yèhtsı̨ t'à ats'edı nıìle, hanìkò dànì enıìyah deè elı̨ı̨ sìı goxı̨ godaà t'à wets'aɂı̨ hǫt'e.

1 John 3:2

Seàgı̨ą, dıì Nǫ̀htsı̨ weza ats'ı̨ı̨t'e, ı̨daà dǫ dàhòt'ı̨ı̨ ts'ı̨ı̨lı̨ ha sìı ı̨łaà wek'èts'eezǫ nıìle. Hanìkò Zezì-Krı dànì wègaat'ı̨ k'ę̀ę̀ wets'eɂį̀ ha ne t'à nììtła nı̨dè wexèht'eè lats'ede ha wek'èts'eezǫ.