Luke 9:29 - Nǫ̀htsı̨ Nı̨htł'è

²⁹ Yahtı ekò wınì ładı̨į̀ wègoèht'į̀ eyıts'ǫ wegoht'ǫǫ̀ degoo xè sıì wek'e saı̨dı̨.

Luke 9:29 ပူးပေါင်းရင်းမြစ်များ

Matthew 17:2

Ekǫ gıdaà eładı̨į̀ wègoèht'į̀. Wınì sadeè lanì wek'e saı̨dı̨ eyıts'ǫ wegoht'ǫǫ̀ degoo xè wek'e saı̨de.

Mark 16:12

Eyı tł'axǫǫ̀ Zezì gıta ts'ǫ dǫ nàke ts'ǫ̀ eładı̨į̀ k'ę̀ę̀ wègoèht'į̀. Eyı dǫ nàke t'asį̀ı̨ nałegıatłe ı̨lè.

Luke 3:21

Dǫ hazǫǫ̀ gık'ètaìdzı̨ ekò Zezì ededı̨ sı wek'ètaìdzǫ. Ekìıyeè k'e Zezì yahtı ekò yak'e ehts'ǫǫ̀ ajà.

Luke 5:16

Hanìkò Zezì yahtı ha gowhatsǫǫ̀ gòɂǫǫ ts'ǫ̀ anat'į̀.

Luke 6:12

Įłàà Zezì yahtı ha shìhka dekıìtła. To ghàà Nǫ̀htsı̨ ts'ǫ̀ yaı̨htı.

Luke 9:18

Įłàà Zezì whatsǫǫ̀ gòɂǫǫ ekǫ yahtı. Wecheekeè gıgà-èhkw'e. Zezì dagoehke, “Dǫ amìı aht'e sègedı?” gòhdı.

Luke 9:30

Hǫtsaa dǫ nàke, Moses eyıts'ǫ Elıjah sıì enıìyah k'ę̀ę̀ gìgoèht'į̀, Zezì ts'ǫ̀ gogede. Jerusalem ekǫ dànì ełaàwı ha eyıts'ǫ yelǫ ts'ǫ̀ yeghàlaeda ha sìı ghǫ gogede.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

Zezì Wecheekeèdeè 6:15

K'aodèe eyı geèhkw'ee sìı hotıì Stephen ghàgeeda, wınì yak'eet'ı̨į̀ wınì lanì gıgha wègoèht'į̀.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.