Luke 8:45 - Nǫ̀htsı̨ Nı̨htł'è

⁴⁵ Zezì hadı, “Amìı daseachì?” Dǫ gımǫǫ̀ nàgeèhzaa sìı “Danets'aachì-le,” gıìhdı. Peter hayèhdı, “Sets'ǫ̀ K'àowo, dǫ łǫ nemǫǫ̀ nàgeèhza xè nek'e ts'ǫ̀ ełegeehtsı,” yèhdı.

Luke 8:45 ပူးပေါင်းရင်းမြစ်များ

Luke 19:43

Jerusalem got'ı̨į̀, ı̨łè dzęę̀ k'e eghǫǫ-dǫǫ̀ ehtł'è shìh kǫ̀godeè wemǫǫ̀ nıɂà agele ha. Naxımǫǫ̀ hazǫǫ̀ naxıts'ǫdanìı̨laà agele ha.

Luke 5:5

Sımon yets'ǫ̀ hadı, “Gots'ǫ̀ K'àowo, to ghàà mį̀ k'alats'ı̨ı̨dè, hanìkò t'asìı wı̨ı̨zìı ts'ehłì-le. Hanìkò ‘hanele,’ sį̀ı̨dı nı̨dè mį̀ tènaehwha ha,” yèhdı.

Luke 8:44

Zezì chį̀ht'a nììtła xè yeɂeè welǫ daachì. Ekòet'ıì wedoò whìle ajà.

Luke 9:13

Hanìkò Zezì gots'ǫ̀ hadı, “Naxı̨ t'asìı gıghàahdı,” gòhdı. “Łèt'è sı̨làı eyıts'ǫ łıwe nàke zǫ gots'ǫ. Dǫ haàtłǫǫ gha weghǫ shèts'ezhee nàts'eehdì ha neewǫ nì?” gıìhdı.