Luke 8:41 - Nǫ̀htsı̨ Nı̨htł'è

^41-42 Dǫ ı̨łè Jaırus wìyeh, ełègehdèe-kǫ̀ gha k'àowo elı̨, Zezì gà nììtła, yekè gà nàgòı̨hgè. Wetì ı̨łàet'ea hoònǫ-daats'ǫ̀-nàke weghoò ełaàdaawı t'à, Zezì yekǫ̀ naetła ha yeghǫnàdaetì. Zezì ekǫ naetłe ekò wemǫǫ̀ sıì dǫ łǫ t'à k'àhdzǫ ełègį̀ı̨htso-t'e.

Luke 8:41 ပူးပေါင်းရင်းမြစ်များ

Luke 13:14

Nǫ̀htsı̨ Dzęę̀ k'e Zezì k'aàt'ıì ayį̀į̀là t'à, ełègehdèe-kǫ̀ gha k'àowo wek'èch'a. Eyıt'à dǫ hazǫǫ̀ ts'ǫ̀ hadı, “Eghàlats'eeda gha ek'ètaı dzęę̀ whela hǫt'e. K'aàt'ıì aahde ha dahwhǫ nı̨dè eyı dzęę̀ k'e aaht'ı̨, hanìkò Nǫ̀htsı̨ Dzęę̀ k'e haaht'ı̨-le,” gòhdı.

Luke 17:16

Eyı dǫ Zezì gà dèè k'e ts'ǫ̀ adį̀į̀là xè “Masì,” yèhdı. Eyı dǫ sìı Samarıa got'ı̨į̀ at'ı̨ nǫǫ̀.

Luke 5:8

Sımon-Peter hanì nàhòwo yaɂı̨ ekò Zezì ts'ǫ̀ nàgòı̨hgè gà hayèhdı, “Sets'ǫ̀ K'àowo, hołı̨ı̨-hohtsı̨ı̨-dǫǫ̀ aht'e t'à segà anet'ı̨-le,” yèhdı.

Luke 8:49

Įłaà Zezì gode ekò Jaırus ełègehdèe-kǫ̀ gha k'àowo sìı wekǫ̀ gots'ǫ dǫ eyı nììtła. Jaırus ts'ǫ̀ hadı, “Netì ełaı̨wo. Gots'ǫ̀ K'àowo nekǫ̀ nàwetła-le kò,” yèhdı.

John 11:21

Martha Zezì ts'ǫ̀ hadı, “K'àowo, jǫ needà nı̨dè sechı ełaàwı ha-le ı̨lè.

Zezì Wecheekeèdeè 13:15

Moses wenàowoò eyıts'ǫ nakwenàoɂǫǫ gını̨htł'è k'eyagı̨ı̨htı tł'axǫǫ̀ ełègehdèe-kǫ̀ gha k'aodèe gı̨ı̨lı̨ı̨ sìı Paul eyıts'ǫ Barnabas ts'ǫ̀ yatı nègı̨ı̨ɂǫ, “Sèot'ı̨ı̨, yatı nezı̨ı̨ dǫ ghàahɂà ha dahwhǫ-ı̨dè gots'ǫ̀ haahdı,” gògedı.

Zezì Wecheekeèdeè 18:17

Eyıt'à dǫ hazǫǫ̀ Sostenes, ełègehdèe-kǫ̀ gha k'àowo elı̨ı̨ sìı, nàyaetıı-kǫ̀ gà dagıachì eyıts'ǫ gıkwǫ̀ǫyaà-gı̨į̀là. Hagòjà kò k'àowo Gallıyo gots'ǫ̀ nıɂà-le.

Zezì Wecheekeèdeè 18:8

Crıspus, ełègehdèe-kǫ̀ gha k'àowo elı̨, eyıts'ǫ wekǫ̀ nàgedèe sìı hazǫǫ̀ Zezì gıgha ehkw'ı-ahodıì agejà. Eyıts'ǫ kǫ̀ta Corınth gots'ǫ dǫ łǫ gıìkw'oo sìı gıgha ehkw'ı-ahodı t'à gık'ètaìdzǫ.

Zezì Wecheekeèdeè 9:38

Kǫ̀ta Lyda gots'ǫ kǫ̀ta Joppa ts'ǫ̀ gǫǫwà-le hǫt'e. Eyıt'à Nǫ̀htsı̨ wecheekeè gı̨ı̨lı̨ı̨ sìı Peter kǫ̀ta Lyda ts'ǫ̀-èlı̨ ghǫ egıìkw'o t'à dǫ nàke Peter ts'ǫ̀ geèhɂà, “Įwhąą̀ jǫ nàątła!” gıìhdı.

John Wenazhıı 5:8

Sahzǫ̀ą eyı enı̨htł'èyeè neyıìchı tł'axǫǫ̀ t'asìı dı̨ godìı eyıts'ǫ ǫhdah naènǫ-daats'ǫ̀-dı̨ sìı gıts'ǫ̀ nàgògı̨ı̨hgè. Hazǫǫ̀ tł'ık'eetı̨ı̨ lanıı k'egele eyıts'ǫ sǫǫ̀mbaekwo kw'àyį̀ą weyìı dzèh-łekǫǫ dèk'ǫ̀ǫ dagıale. Eyı dzèh-łekǫǫ dèk'ǫ̀ǫ sìı Nǫ̀htsı̨ wets'ǫ dǫ degaı xàyageetı lanì hǫt'e.