Luke 8:31 - Nǫ̀htsı̨ Nı̨htł'è

³¹ Įnìłı̨ı̨ k'èdaà Zezì ghǫnàdageetì, edı̨į̀ ı̨nìłı̨ı̨ dagı̨ı̨ɂaa sìı ts'ǫ̀ agole ha gı̨ı̨wǫ-le t'à.

Luke 8:31 ပူးပေါင်းရင်းမြစ်များ

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Luke 8:28

Zezì eɂı̨ ekò hòtł'ò whezeh gà yekè gà nàgòı̨hgè, ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Hoìla ası̨ı̨le-le neghǫnàdaehtì,” yèhdı.

Luke 8:32

Ekìıyeè k'e shìhka gogòò łǫ shègezhe ı̨lè. Zezì ı̨nìłı̨ı̨ gogòò yìı agole ha Zezì ghǫnàdageetì. Eyıt'à gogòò yìı gı̨ı̨deè agǫ̀ǫ̀là.

Rome 10:7

Eyıts'ǫ dıı hats'edı ha: “ ‘Amìı ı̨zhıì gǫǫwà dèè yìı gǫǫ̀ɂàa ts'ǫ̀ ade ha, (Zezì-Krı k'achı̨ naìdà ats'ele gha)?’ haahdı-le,” edèts'edı ha.

John Wenazhıı 11:7

Hòt'a dǫ ts'ǫ̀ gogede ghǫnagı̨ı̨t'e nı̨dè tıts'aàdìı nechàa dèè goyìı gots'ǫ xàetła ha eyıts'ǫ gok'aàwo xè goghǫehnè ha, eyıts'ǫ ełaàgòhde ha.

John Wenazhıı 17:8

Eyı tıts'aàdìı nechàa weneeɂı̨ı̨ sìı eda ı̨lè, hanìkò dıì ełaı̨wo hǫt'e. Nǫǫde-ı̨dè dǫ ełaı̨dèe k'è gòɂǫǫ gots'ǫ xàetła ha, eyı tł'axǫǫ̀ dèè wedıhołè ha. Dıı nèk'e dǫ łǫ eyı tıts'aàdìı nechàa ghàgeeda nı̨dè gıgha enıìyah dìì ha ne, eyı tıts'aàdìı nechàa sìı eda ı̨lè, dıì ełaı̨wo hǫt'e, hanìkò k'achı̨ naìdà ha hǫt'e. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è-le sìı agı̨ı̨t'e. Eyı enı̨htł'è sìı dèè hòèlı̨ gots'ǫ hǫt'e.

John Wenazhıı 19:20

Hanìkò tıts'aàdìı nechàa dagıachì eyıts'ǫ wets'ǫ nakwenàoɂǫǫ ehkw'ı gode-le sìı eyı sı dagıachì. Eyı nakwenàoɂǫǫ sìı tıts'aàdìı nechàa dahxà enıìyah hòèhtsı̨ t'à dǫ łǫ tıts'aàdìı nechàa wıızì gık'e wheɂǫǫ eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgèe sìı ts'ıɂǫ̀ geèdeè agǫ̀ǫ̀là. Eyı tıts'aàdìı nechàa eyıts'ǫ wets'ǫ nakwenàoɂǫǫ-łı̨ı̨ ı̨łaà geeda et'ıì, kwe dèk'ǫ̀ǫ ta ts'ǫ̀ gogeèhde.

John Wenazhıı 9:11

Gıts'ǫ k'àowo sìı dèè yìı gǫǫ̀ɂàa gots'ǫ yak'eet'ı̨łı̨ı̨ hǫt'e. Eyı yak'eet'ı̨łı̨ı̨ sìı Israel got'ı̨į̀ gıyatıì k'ę̀ę̀ “Abadon” wìyeh eyıts'ǫ Greece got'ı̨į̀ gıyatıì k'ę̀ę̀ “Apollyon” wìyeh (eyı sìı “t'asìı yedıhohtsı̨” gedıì-agedı).