Luke 8:27 - Nǫ̀htsı̨ Nı̨htł'è

²⁷ Zezì tàèhtła ekò eyı kǫ̀ta gots'ǫ dǫ ı̨nìłı̨ı̨ łǫ wets'ǫ̀-èlı̨ yeghǫ nììtła. Eyı dǫ whaà gots'ǫ goht'ǫ yìı̨dà-le eyıts'ǫ kǫ̀ goyìı nàı̨dè-le, kwe yìı dǫkw'ǫǫ̀ whelaa ta nàdè.

Luke 8:27 ပူးပေါင်းရင်းမြစ်များ

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Mark 5:15

Zezì ghǫ nègı̨ı̨de ekò eyı dǫ ı̨nìłı̨ı̨ łǫ wets'ǫ̀-èlı̨ ı̨lèe sìı ts'èwhı̨į̀ eyı wheda gıaɂı̨. Goht'ǫ yìı wheda xè wınì k'aàt'ıì ajà, eyıt'à dǫ geèhyeh.

Luke 8:26

Zezì eyıts'ǫ wecheekeè Gerasene nèk'e ts'ǫ̀ geèɂe. Galılee nèk'e gotadà agǫ̀ht'e.

Luke 8:28

Zezì eɂı̨ ekò hòtł'ò whezeh gà yekè gà nàgòı̨hgè, ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Hoìla ası̨ı̨le-le neghǫnàdaehtì,” yèhdı.