Luke 8:25 - Nǫ̀htsı̨ Nı̨htł'è

²⁵ “Dànìghǫ Nǫ̀htsı̨ ghǫ naxınì nàtso-le?” Zezì edecheekeè gòhdı. Gıgha enıìyah xè geèhyeh t'à ełets'ǫ̀ hagedı, “Dıı amìı ne? Nı̨hts'ı eyıts'ǫ taatı̨į̀ kò gık'į̀ı̨t'e,” gedı.

Luke 8:25 ပူးပေါင်းရင်းမြစ်များ

Matthew 14:31

Ekòet'ıì Zezì dayaachì, hayèhdı “Nınì nàtso-le. Dànìghǫ negha ehkw'ı-ahodı-le?” yèhdı.

Matthew 17:20

Zezì gots'ǫ̀ hadı, “Nǫ̀htsı̨ hayele ha hotıì naxıgha ehkw'ı-ahodı-le t'à. Ehkw'ı anaxèehsı̨, hòtł'ò-lea kò naxıgha ehkw'ı-ahodı nı̨dè, dıı shìh ts'ǫ̀ dıı haahdı ha dìì-le, ‘Jǫ gots'ǫ yeè ts'ǫ̀ adı̨ı̨le,’ wèahdı nı̨dè hade ha. Naxıgha ehkw'ı-ahodı nı̨dè t'asìı wı̨ı̨zìı naxıgha dìì gǫ̀hłı̨ ha nıìle,” Zezì gòhdı.

Matthew 6:30

Nǫ̀htsı̨ hanì dèè k'e tł'oh wèdaat'ı̨į̀ whehtsı̨ı̨ sìı dıı dzęę̀ k'e dehshe hanìkò satsǫ kwıìgeehdè. Eyı nahk'e nezı̨į̀ naxık'èdì ha, eyıts'ǫ goht'ǫ nezı̨ı̨ naxıghàle ha hǫt'e. Hanìkò naxınì nàtso-le dìì.

Matthew 8:10

Zezì eyı k'àowo dàdıı sìı yıìkw'o ekò sıì wegha enıìyah dìì. Dǫ łǫ yek'èè k'edèe sìı ts'ǫ̀ hadı, “Ehkw'ı anaxèehsı̨, Israel nèk'e dǫ wınì hanànıhtso ghǫ eèhkw'o whìle.

Matthew 8:26

Zezì gots'ǫ̀ hadı, “Naxınì nàtso-le. Dànìghǫ sıì dahjı̨ nǫǫ̀?” gòhdı. Elà yìı nàwo xè nı̨hts'ı eyıts'ǫ taatı̨į̀ whìle aahde gòhdı t'à, ts'èwhı̨į̀ hòɂǫǫ̀ agòjà.

Mark 4:35

Eyı dzęę̀ k'e xèhts'ǫ̀ agòjà ekò Zezì edecheekeè ts'ǫ̀ hadı, “Įnǫ̀ǫ̀ nats'ııɂè,” gòhdı.

Luke 12:28

Hanì Nǫ̀htsı̨ tł'oh wèdaat'ı̨ı̨ whehtsı̨ı̨ sìı dıı dzęę̀ k'e dehshe hanìkò satsǫ kwıìgeehdè hǫt'e. Eyı wenahk'e nezı̨į̀ naxık'èdì xè goht'ǫ nezı̨ı̨ naxıghàle ha hǫt'e. Hanìkò naxınì nàtso-le dìì.

Luke 8:24

Zezì wecheekeè ts'ıgį̀ı̨hwho, hagıìhdı, “K'àowo, K'àowo, tı t'à ełaàts'ede ha nìkw'o.” Zezì nıìtła gà nı̨hts'ı eyıts'ǫ taatı̨į̀ ts'ǫ̀ gode hadı, “Ts'èwhı̨į̀ aahde!” gòhdı. Eyıt'à nı̨hts'ı whìle agòjà eyıts'ǫ tı sı nàeda-le ajà. Hazǫǫ̀ gımǫǫ̀ goòɂàa ts'ǫ̀ ts'èwhı̨į̀ agòjà.

Luke 8:26

Zezì eyıts'ǫ wecheekeè Gerasene nèk'e ts'ǫ̀ geèɂe. Galılee nèk'e gotadà agǫ̀ht'e.

John 11:40

Zezì yets'ǫ̀ hadı, “Negha ehkw'ı-ahodı nı̨dè Nǫ̀htsı̨ enıìyah t'à nàtsoo elı̨ı̨ sìı neɂį̀ anehłe ha, nèehsı̨ ı̨lè,” yèhdı.