Luke 8:2 - Nǫ̀htsı̨ Nı̨htł'è

² Eyıts'ǫ ts'èko mǫ̀hdaa ı̨nìłı̨ı̨ eyıts'ǫ tàda t'à eyagı̨ı̨lè t'à k'aàt'ıì agejàa sìı goxè aget'ı̨. Ts'èko ı̨łè Mary wìyeh (Madlę̀ sı wìyeh) ı̨nìłı̨ı̨ łǫ̀hdı̨ wets'ǫǫ̀ xàèdee sìı eyı sı goxè at'ı̨.

Luke 8:2 ပူးပေါင်းရင်းမြစ်များ

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Mark 16:1

Nǫ̀htsı̨ Dzęę̀ tł'axǫǫ̀ ek'èdaedzęę̀ k'e Mary-Madlę̀, James wemǫ Mary eyıts'ǫ Salome Zezì wekw'ǫǫ̀ segele ha gı̨ı̨wǫ t'à dǫkw'ǫǫ̀ gha yìk'eetł'òo nàgeèhdì.

Mark 16:9

Nǫ̀htsı̨ Dzęę̀ tł'axǫǫ̀ Zezì naìdà ekò t'akwełǫ̀ǫ̀ Mary-Madlę̀ ts'ǫ̀ wègoèht'į̀. Eyı ts'èko ı̨nìłı̨ı̨ łǫ̀hdı̨ yeyìı gots'ǫ xàdeèzhì ı̨lè.

Luke 23:27

Dǫ łǫ Zezì k'èè geède. Ts'èko mǫ̀hdaa goxè aget'ı̨ı̨ sìı, gıdzeè nànııtì xè hòtł'ò gıghǫ etse.

Luke 23:49

Dǫ hazǫǫ̀ Zezì xè agıat'į̀ı̨ sìı ı̨dè gǫǫwà hoògǫ nàgeèhza gà goghàgeeda. Galılee nèk'e gots'ǫ ts'èko mǫ̀hdaa Zezì k'èè k'egedè ı̨lèe sìı gota nàgeèhza.

Luke 23:55

Ts'èko, Zezì xè Galılee nèk'e gots'ǫ nègı̨ı̨dee sìı Joseph k'èè geède. Dǫkw'ǫǫ̀ whetǫǫ k'è dànì Zezì wekw'ǫǫ̀ nègı̨ı̨htı̨ı̨ sìı gıaɂı̨.

Luke 8:30

Zezì dayeehke, “Dànìyeh?” Dǫ yets'ǫ̀ hadı, “ ‘Łǫ’ sìyeh!” yèhdı. Įnìłı̨ı̨ łǫ wets'ǫ̀-èlı̨ ts'ıhɂǫ̀ adı.

John 19:25

Zezì wemǫ, wemǫ wedè, Clopas wets'èkeè Mary, eyıts'ǫ Mary-Madlę̀ dechı̨et'aa gà nàgeèhza.

Zezì Wecheekeèdeè 1:14

Hazǫǫ̀ łą̀ą geèhkw'e xè t'aats'ǫǫ̀ ełexè yagehtı. Ts'èko sı eyı geèhkw'e. Zezì wemǫ Mary eyıts'ǫ wechı goxè aget'ı̨.