Luke 8:18 - Nǫ̀htsı̨ Nı̨htł'è

¹⁸ Eyıt'à hotıì nezı̨į̀ aàhkw'o. Amìı t'asìı łǫ wets'ǫ sìı eyı weɂǫ̀atłǫ weghàzhe ha. Hanìkò amìı t'asìı wets'ǫ-le sìı t'asìı łǫ-lea wets'ǫ sìı eyı kò weghǫ ìchı ha hǫt'e,” Zezì gòhdı.

Luke 8:18 ပူးပေါင်းရင်းမြစ်များ

Matthew 13:12

Amìı t'asìı łǫ wets'ǫ sìı eyı weɂǫ̀atłǫ weghǫ̀zhe ha, hanì-ı̨dè t'asìı deɂǫ̀atłǫ wets'ǫ ade ha. Hanìkò amìı t'asìı wets'ǫ-le sìı t'asìı łǫ-lea wets'ǫ sìı eyı kò weghǫ ìchı ha hǫt'e.

Matthew 25:29

Amìı t'asìı wets'ǫ sìı t'asìı deɂǫ̀atłǫ weghàzhe ha hǫt'e, hanì-ı̨dè t'asìı deɂǫ̀atłǫ wets'ǫ ade ha. Hanìkò amìı t'asìı wets'ǫ-le sìı t'asìı łǫ-lea wets'ǫ kò weghǫ ìchı ha hǫt'e.

Mark 13:14

“T'asìıłı̨ı̨ wet'à degaı k'è gòɂǫǫ tsį̀gowı ha sìı eyı nàı̨ɂa ha-le kò eyı nàı̨ɂa weahɂį̀ ha. (Amìı eyı yek'eyahtıı sìı yenıedì welì.) Ekìıyeè k'e nèhòı̨wo nı̨dè Judea nèk'e dǫ nàgedèe sìı shìhta ts'ǫ̀ kwı̨gııhdè.

Luke 19:26

“K'àowo hagòhdı, ‘Ehkw'ı anaxèehsı̨, amìı t'asìı łǫ wets'ǫ sìı eyı weɂǫ̀atłǫ weghàzhe ha, hanìkò amìı t'asìı wets'ǫ-le sìı t'asìı łǫ-lea wets'ǫ sìı eyı kò weghǫ ìchı ha hǫt'e.

Luke 9:44

“Dànaxèehsı̨ ha sìı hotıì nezı̨į̀ aàhkw'o: Dǫ-wet'àaɂàa-deè dǫ tł'aàgıhtè ha hǫt'e,” gòhdı.

John 15:2

Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.

Zezì Wecheekeèdeè 10:33

Eyıt'à ekòet'ıì nekàwhıhɂà. Jǫ nàwheętła t'à masì neehwhǫ. Nǫ̀htsı̨ wenadąą̀ hazǫǫ̀ jǫ ts'eèhkw'e, gots'ǫ̀ K'àowo ayìı gots'ǫ̀ haı̨dı ha nèhdıı sìı wets'eèhkw'ǫ ha ts'ı̨ı̨wǫ,” yèhdı.

Zezì Wecheekeèdeè 17:11

Israel got'ı̨į̀ kǫ̀ta Berea nàgedèe sìı kǫ̀ta Thessalonıca got'ı̨į̀ nahk'e gınezı̨. Godı nezı̨ı̨ gıìkw'o t'à gınà. Asį̀į̀ Paul ehkw'ı gode gı̨ı̨wǫ t'à dzę taàt'eè Nǫ̀htsı̨ Nı̨htł'è k'eyagehtı.

Rome 12:3

Nǫ̀htsı̨ wesǫnıwǫ seghǫ̀t'ǫ wedahxà naxıts'ǫ̀ dıı haehsı̨: T'asìı deè ats'ı̨ı̨t'e dahwhǫ t'à deɂǫ̀ǫ̀ edeghǫ nànıahdè-le, hanìkò ehkw'ı edeghǫ nànıahdè. Nǫ̀htsı̨ naxınì dànàı̨htsoò ayį̀į̀là k'ę̀ę̀ edeghǫ nànıahdè.

1 Corınth 14:37

Naxıta gots'ǫ dǫ nakwenàoɂǫǫ elı̨ nıwǫǫ sìı, hanì-le-ı̨dè Yedàyeh Nezı̨ı̨ gots'ǫ t'asìı nezı̨ı̨ sets'ǫ̀ ajà nıwǫǫ sìı, dıı ayìı ghǫ naxıts'ǫ̀ eehtł'èe sìı gots'ǫ̀ K'àowo wenàowoò hǫt'e, yenıedì welì.

1 Corınth 3:18

Dànì nànıahdè t'à edeghǫyaahɂà sǫ̀ǫ̀. Dǫ dıı nèè gots'ǫ nàowo k'ę̀ę̀ gohsǫ edeewǫ nı̨dè, ezhı̨ne ladıdle, hanì-ı̨dè sıì gǫǫzǫǫ̀ ade ha.

1 Corınth 8:2

Dǫ t'asìı łǫ k'èezǫ edeewǫǫ sìı ayìı k'èezǫ ha ı̨lèe sìı ı̨łaà yek'èezǫ nıìle.

Phılıppı 3:4

Sı̨ deɂǫ̀ǫ̀ edeghǫ xàhohdì gohde ha dìì-le hǫt'e. Dǫ eyıì-le edeghǫ xàhogedì gogede ha dìì-le nı̨dè sı̨ denahk'e haehsı̨ ha dìì-le hǫt'e.

Hebrew 2:1

Ayìı ts'ı̨į̀hkw'ǫ̀ǫ sìı hotıì nezı̨į̀ weghǫ nànıts'edè ha hǫt'e, hanì-ı̨dè Nǫ̀htsı̨ wets'ǫǫ̀ ats'ede ha nıìle.