Luke 8:10 - Nǫ̀htsı̨ Nı̨htł'è

¹⁰ Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı godı t'à gıxè gohdo. ‘K'egeet'į̀ kò geɂį̀ ha-le eyıts'ǫ egeèhkw'ǫ kò dàhodıì-ahodıı sìı gınıedì ha-le.’

Luke 8:10 ပူးပေါင်းရင်းမြစ်များ

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Mark 4:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò goxè aget'ı̨-le sìı godı zǫ t'à gıxè gohdo.

Mark 4:12

Hanì-ı̨dè ‘t'aats'ǫǫ̀ k'egeet'į̀ kò geɂį̀ ha-le, eyıts'ǫ t'aats'ǫǫ̀ egeèhkw'ǫ kò, dàhodıì-ahodıı sìı gınıedì ha-le; hanì-le-ı̨dè edahxǫ gınì eładı̨į̀ ade xè gıhołı̨į̀ gıghǫ nahoezhe ha hǫt'e!’ ” gòhdı.

John 12:40

“Gıdaà goìle agǫ̀ǫ̀là, eyıts'ǫ gınì whìle agǫ̀ǫ̀là. Eyıt'à ededaà t'à k'egeet'į̀-le eyıts'ǫ ededzeè t'à t'asìı nıgeedì-le. K'aàt'ıì agehłe ha sets'ǫ̀ agede ha gı̨ı̨wǫ-le,” Isaıah hadı dek'eèhtł'è.

1 Corınth 12:11

Yedàyeh Nezı̨ı̨ ı̨łè zǫ hǫt'e, hanìkò eyı hazǫǫ̀ yeghàlaeda hǫt'e. Hotıì dànıwǫǫ sìı k'ę̀ę̀ edets'ǫ dǫ t'asìı goghàɂà hǫt'e.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.