Luke 7:40 - Nǫ̀htsı̨ Nı̨htł'è

⁴⁰ Zezì Pharısee ts'ǫ̀ hadı, “Sımon, t'asìı nets'ǫ̀ haehsı̨ ha.” Eyıt'à Sımon yets'ǫ̀ hadı, “Hęɂę, K'àowo, hasį̀ı̨dı,” yèhdı.

Luke 7:40 ပူးပေါင်းရင်းမြစ်များ

Matthew 26:49

Zhıdàà ekòet'ıì Zezì ts'ǫ̀ èhtła gà yets'ǫ̀ hadı, “Sets'ǫ̀ K'àowo, nexè sìghà welè,” yèhdı gà yı̨ı̨ts'į̀.

Matthew 7:22

Eyı dzęę̀ k'e nìhǫǫwo nı̨dè dǫ łǫ sets'ǫ̀ dıı hagedı ha, ‘Sets'ǫ̀ K'àowo, nıızì dahxà nadąą̀ gots'ı̨ı̨de ı̨lè, ı̨nìłı̨ı̨ xàdets'eèzhì eyıts'ǫ enıìyah łǫ hots'èhtsı̨ ı̨lè,’ gedı ha.

Luke 18:18

K'àowo ı̨łè Zezì daehke, “K'àowo nezı̨ı̨, ayìı dàhłà nı̨dè welǫ whìle ts'ǫ̀ ehdaà asedle ha?” yèhdı.

Luke 5:22

Zezì dànì nànıgedèe sìı gok'èezǫ t'à dagoehke, “Dànìghǫ naxıdzeè yìı hanì nànıahdè?

Luke 5:31

Zezì gots'ǫ̀ hadı, “Dǫ hotıì geedaa sìı nàèdı-k'èezǫǫ gıgha wet'àaɂà nıìle, dǫ eyagı̨ı̨lı̨ı̨ sìı zǫ nàèdı-k'èezǫǫ gı̨ı̨wǫ hǫt'e.

Luke 6:8

Hanìkò Zezì ayìı ghǫ nànıgedèe sìı gok'èezǫ. Eyıt'à dǫ wılà ełeènııtsoo ts'ǫ̀ hadı, “Nıį̀tła gà dǫ hazǫǫ̀ gınadąą̀ nàąwo,” yèhdı. Eyıt'à eyı dǫ nıìtła gà gonadąą̀ nàwo.

Luke 7:39

Pharısee yexàehɂàa sìı ts'èko hajà yaɂı̨ ekò edets'ǫ̀ hadı, “Eyı dǫ nakwenàoɂǫǫ elı̨ nı̨dè ts'èko dàhòt'ı̨ı̨ dayeechıı sìı wesıìdlaa hanıı hǫt'e yek'èezǫ ha ı̨lè,” edets'ǫ̀ hadı.

Luke 7:41

Zezì yets'ǫ̀ hadı, “Dǫ nàke, dǫ goghaetł'èe ts'ǫ̀ gını̨htł'è łǫ ajà. Dǫ ı̨łè nàke xo eghàlats'eedaa haàtłǫ wenı̨htł'è ajà, ekò dǫ ı̨łè t'aa nàke sa eghàlats'eedaa haàtłǫ wenı̨htł'è ajà.

John 13:13

“ ‘K'àowo’ sèahdıı sìı ehkw'ı aahdı hǫt'e, naxıts'ǫ̀ K'àowo aht'e ne t'à.

John 16:19

Zezì eyı ghǫ dageehke ha gı̨ı̨wǫ gok'èezǫ t'à gots'ǫ̀ hadı, “ ‘Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,’ dehsı̨ı̨ sìı ayìı awèehsı̨ dahwhǫ t'à weghǫ dałeahke nì-aahdı?

John 16:30

T'asìı hazǫǫ̀ k'èı̨zǫ hǫt'e wek'èts'eezǫǫ̀ ats'ejà, eyıts'ǫ dǫ danegeehke kwe gınàowoò k'èı̨zǫ. Eyı weghàà Nǫ̀htsı̨ gots'ǫ anet'e gogha ehkw'ı-ahodıì ajà hǫt'e,” gıìhdı.