Luke 7:16 - Nǫ̀htsı̨ Nı̨htł'è

¹⁶ Dǫ hazǫǫ̀ gıgha enıìyah nechàa t'à Nǫ̀htsı̨ ghàsǫgeedı, hagedı, “Nakwenàoɂǫǫ-deè gota nììtła. Nǫ̀htsı̨ edets'ǫ dǫ ts'àdı ha goghǫ nììtła,” gedı.

Luke 7:16 ပူးပေါင်းရင်းမြစ်များ

Matthew 15:31

Dǫ k'egedè-le sìı k'egedè agejà, dǫ gogede-le sìı gogedeè agejà eyıts'ǫ dǫ gıdaà goìlee sìı k'egeet'į̀ agejà. Dǫ gıxè hagòjà gıaɂı̨ ekò sıì gıgha enıìyah t'à Israel got'ı̨į̀ Gınǫ̀htsı̨ ghàsǫgeedı.

Matthew 21:11

Dǫ Zezì k'èè k'egedèe sìı hagedı, “Dıı dǫ Zezì hǫt'e. Galılee nèk'e kǫ̀ta Nazareth gots'ǫ nakwenàoɂǫǫ hǫt'e,” gedı.

Matthew 28:8

Eyıt'à ts'èko dǫkw'ǫǫ̀ whetǫǫ k'è gots'ǫ ı̨whąą̀ nałegeèhtła. Geejı̨, hanìkò sıì gınà nàhòwo. Gıxè dàgòjàa sìı Zezì wecheekeèdeè ts'ǫ̀ hagedı ha tı̨mǫgeèɂa.

Matthew 9:8

Dǫ hazǫǫ̀ eyı hagòjà gıaɂı̨ ekò sıì gıgha enıìyah dìì, eyıt'à Nǫ̀htsı̨ ghàsǫgeedı, hagedı, “Dıı dǫ Nǫ̀htsı̨ dahxà eghàlaedaà at'ı̨ sǫnı,” gedı.

Luke 1:65

Dǫ hazǫǫ̀ gıgà agı̨ı̨t'ee sìı gıgha enıìyah lagòjà. Eyıts'ǫ dǫ hazǫǫ̀ shìh ta Judea nèk'e nàgedèe sìı eyı hagòjà ghǫ gogede.

Luke 1:68

“Gots'ǫ̀ K'àowo, Israel Wenǫ̀htsı̨ weghàsǫts'eedı welè. Edets'ǫ dǫ edaxàgole ha goghǫ nììtła.

Luke 19:44

T'asìı hazǫǫ̀ naxıghǫ wedıhogehtsı̨ ha, naxı̨ eyıts'ǫ naxèot'ı̨ hazǫǫ̀ ełaàgehde ha. Naxıkǫ̀ hazǫǫ̀ gotageezhì ha, kwe ı̨łàet'e kò ełeka dawheɂǫ ha-le, Nǫ̀htsı̨ naxıghǫ nììtła kò nàwhahzhį̀-le t'à,” Zezì hadıì xàyaı̨htı.

Luke 2:20

Sahzǫ̀ą-k'èdìı-dǫǫ̀ nageèhde, gejı̨ xè Nǫ̀htsı̨ ghàsǫgeedı. Yak'eet'ı̨į̀ dàgòhdı ı̨lèe sìı hotıì gıxè hagòjà.

Luke 24:19

“Dàgòjà?” Zezì yèhdı. Eyıt'à gıts'ǫ̀ hadı, “Zezì, Nazareth got'ı̨į̀, wexè dànàhòwoo sìı eyı weghǫ,” gedı, “Eyı dǫ sìı nakwenàoɂǫǫ deè ı̨lè. Nǫ̀htsı̨ gha sìghà eghàlaı̨dà eyıts'ǫ dǫ hazǫǫ̀ gınadąą̀ weyatıì nàtsoo xè enıìyah deè eghàlaı̨dà.

Luke 5:26

Dǫ hazǫǫ̀ gıgha enıìyah dìì t'à Nǫ̀htsı̨ ghàsǫgeedı, hagedı, “Dıı dzęę̀ k'e enıìyah nechàa goxè nàhòwo,” gedı.

Luke 5:8

Sımon-Peter hanì nàhòwo yaɂı̨ ekò Zezì ts'ǫ̀ nàgòı̨hgè gà hayèhdı, “Sets'ǫ̀ K'àowo, hołı̨ı̨-hohtsı̨ı̨-dǫǫ̀ aht'e t'à segà anet'ı̨-le,” yèhdı.

Luke 7:15

Dǫ ełaı̨woo sìı hǫtsaa wheda xè godeè ajà. Zezì ts'èko weza yeghǫyı̨į̀htı̨.

Luke 7:39

Pharısee yexàehɂàa sìı ts'èko hajà yaɂı̨ ekò edets'ǫ̀ hadı, “Eyı dǫ nakwenàoɂǫǫ elı̨ nı̨dè ts'èko dàhòt'ı̨ı̨ dayeechıı sìı wesıìdlaa hanıı hǫt'e yek'èezǫ ha ı̨lè,” edets'ǫ̀ hadı.

Luke 8:37

Ekǫ Gerasene nèk'e gots'ǫ dǫ hazǫǫ̀ sıì geèhyeh t'à Zezì gots'ǫǫ̀ awede gıìhdı. Eyıt'à Zezì wecheekeè nàgedè, elà yìı nagı̨ı̨de.

Luke 9:19

Wecheekeè hagıìhdı, “Dǫ mǫ̀hdaa John-Baptıst anet'e gedı, mǫ̀hdaa nakwenàoɂǫǫ Elıjah anet'e gedı eyıts'ǫ dǫ mǫ̀hdaa whaà gots'ǫ nakwenàoɂǫǫ ı̨łè naìdà anet'e nègedı,” gıìhdı.

John 1:21

Eyıt'à hagıìhdı, “Hanì-ı̨dè amìı anet'e? Asį̀į̀ Elıjah anet'e?” gıìhdı. John-Baptıst hagòhdı, “Eyı aht'e-le.” “Nakwenàoɂǫǫ deè anet'e nì?” gıìhdı. “Į̀le,” gòhdı.

John 1:25

John-Baptıst dageehke, hagedı, “Chrıst anet'e-le, Elıjah anet'e-le eyıts'ǫ nakwenàoɂǫǫ deè anet'e-le nı̨dè dànìghǫ dǫ k'ètaį̀dzı̨?” gıìhdı.

John 4:19

Ts'èko hadı, “K'àowo, nakwenàoɂǫǫ anet'e nǫǫ̀.

John 6:14

Zezì dıı hanì dǫ gha enıìyah hòèhtsı̨ gıaɂı̨ t'à dǫ ełets'ǫ̀ hagedı, “Nakwenàoɂǫǫ deè dıı nèk'e nììtła ha ı̨lèe sìı eyı at'ı̨ sǫnı,” gedı.

John 9:17

K'achı̨ ı̨łàà eyı dǫ dageehke, “Nı̨ nedaà k'aàt'ıì ayį̀į̀là ne t'à eyı dǫ sìı weghǫ dàı̨dı?” gıìhdı. Dǫ gots'ǫ̀ hadı, “Eyı dǫ nakwenàoɂǫǫ hǫt'e,” gòhdı.

Zezì Wecheekeèdeè 5:5

Ananıas eyı ghǫ ıìkw'o ts'ǫ̀et'ıì nàakw'o gà ełaı̨wo. Dǫ hazǫǫ̀ dàgòjàa sìı ghǫ egıìkw'o t'à sıì geèhyeh.

Zezì Wecheekeèdeè 7:37

“Moses ededı̨-t'ıì Israel got'ı̨į̀ ts'ǫ̀ dıı hadı ı̨lè, ‘Nǫ̀htsı̨ sìı xàè naxıta gots'ǫ, sı̨ lanı, nakwenàoɂǫǫ naxıts'ǫ̀ ayele ha,’ gòhdı ı̨lè.

Galatıa 1:24

Sexè dàgòjà ghǫ egıìkw'o t'à Nǫ̀htsı̨ ghàsǫgeedı.