Luke 7:13 - Nǫ̀htsı̨ Nı̨htł'è

¹³ Gots'ǫ̀ K'àowo ts'èko eɂı̨ ekò weghǫ wedzeè dìì, hayèhdı, “Netse-le,” yèhdı.

Luke 7:13 ပူးပေါင်းရင်းမြစ်များ

Mark 8:2

“Dıı dǫ sedzeè t'à etegeèhɂı̨. Taı dzęę̀ sexè gıakw'è, hanìkò t'asìı wı̨ı̨zìı gıwàhǫǫdì-le.

Luke 10:1

Eyı tł'axǫǫ̀ gots'ǫ̀ K'àowo dǫ łǫ̀hdı̨ènǫ-daats'ǫ̀-nàke gòį̀hchì. Dǫ nàke ełexè k'edè edenakweè goèhɂà. Kǫ̀ta yàgòlaa hazǫǫ̀ ts'ǫ̀ eyıts'ǫ edı̨į̀ nàtła ha sìı ts'ǫ̀ goèhɂà.

Luke 11:1

Įłàà Zezì yaı̨htı tł'axǫǫ̀ wecheekeè ı̨łè yets'ǫ̀ hadı, “K'àowo, dànì yats'ehtı ha hoghàgoı̨htǫ, John-Baptıst edecheekeè hoghàgoèhtǫ lanì,” yèhdı.

Luke 11:39

Eyıt'à Zezì hayèhdı, “Naxı̨ Pharısee yàahłı̨ı̨ sìı lıbò eyıts'ǫ kw'à weka zǫ k'enaahtse, hanìkò naxıdzeè yìı aahdı-le xè dǫ wejıı laaht'e.

Luke 12:42

Zezì yets'ǫ̀ hadı, “Dǫ nezı̨ı̨ aahłı̨ xè goahsǫǫ̀ k'ehoahɂa. Eyı hanıı dǫ sìı wets'ǫ̀ k'àowo edecheekeè hazǫǫ̀ ts'ǫ̀ k'àowoò ayele ha. Weghǫ shèts'ezhee gı̨ı̨wǫ nı̨dè goghàɂeedı ha.

Luke 13:15

Zezì yets'ǫ̀ hadı, “Degaı daahtsı̨ kò wek'ę̀ę̀ aahda nıìle! Nǫ̀htsı̨ Dzęę̀ k'e naxıts'ǫ ejıe, hanì-le-ı̨dè naxıtłı̨tsoa tı gıghàahdı ha, dagıahge xè tı ts'ǫ̀ agıahɂı̨-le nì?

Luke 17:5

Wecheekeèdeè Zezì ts'ǫ̀ hagedı, “Denahk'e goınì nàtsoò agoı̨le,” gıìhdı.

Luke 17:6

Zezì gots'ǫ̀ hadı, “Hòtł'ò-lea kò naxıgha ehkw'ı-ahodı nı̨dè, dıı ts'ı nàı̨ɂaa sìı wets'ǫ̀ dıı haahdı ha dìì-le, ‘Nexochı̨į̀ t'à xàdı̨ı̨hdlà gà tèe ts'ǫ̀ adı̨ı̨le,’ wèahdı nı̨dè naxık'èı̨t'e ha ne,” gòhdı.

Luke 18:6

Eyı godı weghàà Zezì edecheekeè gots'ǫ̀ hadı, “Dǫ-sınìyaehtıı-dǫǫ̀ wejıı dàdıı sìı wedaànıahdè.

Luke 19:8

Zacchaeus wekǫ̀ geèhkw'e ekò Zacchaeus nıìtła gà Zezì ts'ǫ̀ hadı, “K'àowo, t'asìı hazǫǫ̀ sets'ǫ sìı tanı ts'ǫ̀ dǫ-teèt'ı̨ı̨ gıghàehłe ha. Eyıts'ǫ deɂǫ̀ǫ̀ t'asìı dǫ ghǫ ìhchì nı̨dè dı̨ eht'aà ts'ǫ̀ weghǫ̀naehłe ha,” yèhdı.

Luke 22:61

Zezì yets'ǫ̀ nàɂa gà Peter ghàı̨dà. Hanì-t'ıì Peter, Zezì dàdı ı̨lèe sìı yenadì. “Dıı dzęę̀ k'e k'àba ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè.

Luke 24:3

Goyagı̨ı̨de ekò Zezì wekw'ǫǫ̀ wègoèt'į̀-le.

Luke 24:34

Hagedı, “Ehkw'ı-ahodı! Gots'ǫ̀ K'àowo naìdà hǫt'e eyıts'ǫ Sımon ts'ǫ̀ wègoèht'į̀,” gedı.

Luke 7:12

Kǫ̀ta ts'ǫ̀ nıwà-le nììtła ekò dǫkw'ǫǫ̀ xàgıatı̨ nǫǫ̀. Dǫ ełaı̨woo sìı wemǫ weza ı̨łàet'ee zǫ hǫt'e, eyıts'ǫ wemǫ wegà dǫzhìı whìle ı̨lè. Kǫ̀ta ts'ǫ dǫ łǫ goxè aget'ı̨.

Luke 7:14

Dechı̨tǫ ts'ǫ̀ èhtła, edılà yek'e ayį̀į̀là t'à, dǫ dechı̨tǫ nagıatı̨ı̨ sìı nègı̨ı̨de. Zezì hadı, “Cheko nıį̀tła nèehsı̨,” yèhdı.

Luke 7:19

Eyıt'à edecheekeè nàke Zezì ts'ǫ̀ goèhɂà. “Dıı hanì daweahke: ‘Dǫ ı̨łè jǫ nììtła ha ı̨lèe sìı asį̀į̀ eyı anet'e? Eyı anet'e-le nı̨dè asį̀į̀ dǫ eyıì-le danats'eèhɂı̨ ha?’ wèahdı,” gòhdı.

Luke 8:52

Zezì goyaèhtła ekò dǫ łǫ t'eekoa ghǫ hòtł'ò getse. Zezì gots'ǫ̀ hadı, “Aahtse-le! Ełaı̨wo nıìle, ekìı whetı̨ hǫt'e,” gòhdı.

John 11:2

(Įłàà Mary yìk'eetł'òo Zezì wekè k'e ayį̀į̀là gà edekwìghà t'à yedı̨ı̨tso ı̨lè. Eyı wechı Lazarus dıì eyaelı̨.)

John 11:3

Eyıt'à weba Zezì danatıgı̨ı̨ɂǫ, “K'àowo, neàgı̨ą weghǫneę̀tǫǫ sìı eyaelı̨,” gıìhdı.

John 20:13

Yak'eet'ı̨į̀ dageehke, “Ts'èko, ayìıha netse?” gıìhdı. Mary hadı, “Sets'ǫ̀ K'àowo t'asį̀ı̨ nageèhchì, edı̨į̀ nègı̨ı̨htı̨ı̨ sìı wek'èehsǫ-le,” gòhdı.

John 20:15

Zezì yets'ǫ̀ hadı, “Ts'èko, ayìıha netse? Amìı hak'eı̨t'į̀?” yèhdı. Dèè-sıìgǫǫhwhǫǫ-dǫǫ̀ at'ı̨ yı̨ı̨hwhǫ t'à, Mary hayèhdı, “K'àowo, t'asį̀ı̨ nèwı̨ı̨chì nı̨dè edı̨į̀ nèwı̨ı̨htį̀ı̨ sìı sets'ǫ̀ haı̨dı, naweehchı ha t'à,” yèhdı.

John 4:1

Pharısee gı̨ı̨lı̨ı̨ sìı Zezì, John-Baptıst nahk'e dǫ łǫ k'ètaìdzı̨ eyıts'ǫ wecheekeè łǫ ajà ghǫ gıìkw'o.

John 6:23

Eyıt'à kǫ̀ta Tıberıas gots'ǫ dǫ mǫ̀hdaa elà t'à geèɂe. Edı̨į̀ Zezì łèt'è k'eèyaı̨htı eyıts'ǫ edı̨į̀ dǫ shègıazhe ı̨lèe sìı ekǫ dàgı̨ı̨de.

1 Corınth 7:30

dǫ ts'ǫǫ̀gı̨ı̨wǫǫ sìı ts'ǫǫ̀gı̨ı̨wǫ-le lagııt'è, dǫ sìgeèt'ı̨ı̨ sìı sìgeèt'ı̨-le lagııt'è, dǫ t'asìı nàgeehdìı sìı xàè gıts'ǫ nıìle lagııt'è.

1 Thessalonıca 4:13

Sèot'ı̨ı̨, dǫ ełaàgı̨ı̨dèe sìı gıxè dàgode ha sìı hotıì nezı̨į̀ wek'èahsǫ ha naxıts'ı̨ı̨hwhǫ hǫt'e. Dǫ eyıì-le gıgha ı̨ka whìle lanì, naxèot'ı̨ ełaàgı̨ı̨dèe sìı ghǫ naxıdzeè nànııtì ha naxets'ı̨ı̨hwhǫ-le.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.

Hebrew 4:15

Gogha yahtıı-wet'àaɂàa-deè elı̨ı̨ sìı dànì nàts'etso-le t'à dǫ ts'ı̨ı̨lı̨ı̨ sìı yek'èezǫ hǫt'e. Goxèht'eè t'asìı hazǫǫ̀ t'à weèdzà ı̨lè hǫt'e, hanìkò hołı̨ı̨ wı̨ı̨zìı wek'e wheɂǫ-le.