Luke 6:47 - Nǫ̀htsı̨ Nı̨htł'è

⁴⁷ Amìı sets'ǫ̀ at'ı̨, seyatıì ıìkw'o xè yek'ę̀ę̀ edaa sìı dǫ dàhòt'ı̨ı̨ awèehsı̨ı̨ sìı naxıts'ǫ̀ haehsı̨ ha.

Luke 6:47 ပူးပေါင်းရင်းမြစ်များ

Matthew 12:50

Amìı Setà yak'e whedaa k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì yèhdı.

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Luke 11:28

Hanìkò Zezì yets'ǫ̀ hadı, “Dıı hats'edıı denahk'e nezı̨ hǫt'e: Nǫ̀htsı̨ weyatıì egıìkw'oo xè gık'ę̀ę̀ edaa sìı gıxè sìghà hǫt'e,” yèhdı.

Luke 14:26

“Amìı sets'ǫ̀ at'ı̨ı̨ sìı edetà, edemǫ, edets'èkeè, edeza, edechı eyıts'ǫ ededè wegha gıdę ha hǫt'e. Ededı̨ kò edeghǫ nànıwo ha-le. Dǫ hade ha dìì sìı secheekeè elı̨ ha dìì.

Luke 6:48

Dǫ dànì kǫ̀ gohtsı̨ lanì. Dèè gǫǫwàa ts'ǫ̀ xàgoı̨hgè gà kwe k'e yìetł'aà gòhtsı̨. Tı daìwì xè taatı̨į̀ nàtsoo kǫ̀ xèɂeèhdı, hanìkò kǫ̀ nezı̨į̀ hòèlı̨ t'à t'asajà-le.

Luke 8:13

Dǫ mǫ̀hdaa sìı wet'à t'asìı dehshee kwe ta nàı̨tł'ı lagı̨ı̨t'e. Eyı yatı gıìkw'o ts'ǫ̀et'ıì sıì gınà xè gìhchı. Hanìkò gıghochı̨į̀ whìle t'à whaà-lea gots'ǫ̀ gıgha ehkw'ı-ahodı, eyıts'ǫ hoìla nèhòkw'ı nı̨dè gıghǫ nat'è.

Luke 8:8

Hanìkò mǫ̀hdaa dèè nezı̨ı̨ k'e nàı̨tł'ı. Nezı̨į̀ dèhshǫ eyıts'ǫ t'aàtłǫ dèè k'e nàı̨tł'ıı sìı ı̨łèakw'eènǫ ts'ǫ̀ deɂǫ̀atłǫ xànı̨ı̨shǫ,” gòhdıì goxè godo. Eyı tł'axǫǫ̀ Zezì dǫ ts'ǫ̀ hòtł'ò hadı, “Amìı wedzıì gǫ̀hłı̨ı̨ sìı eèhkw'ǫ welì,” gòhdı.

John 10:27

Sesahzǫ̀ą agı̨ı̨t'ee sìı gıts'ǫ̀ gohde nı̨dè segeèhkw'ǫ, gık'èehsǫ eyıts'ǫ sek'èè k'egedè.

John 13:17

Hòt'a eyı hazǫǫ̀ wek'èahsǫ ne t'à wek'ę̀ę̀ eghàlaahdà nı̨dè naxıxè sìghà ha hǫt'e,” gòhdı.

John 14:15

Zezì edecheekeè ts'ǫ̀ hadı, “Seghǫnıahtǫ nı̨dè seyatıì k'èaht'e ha hǫt'e.

John 5:40

hanìkò aahda anaxehłe ha sìı sets'ǫ̀ aahde ha dahwhǫ-le.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

Hebrew 5:9

Denahk'e elı̨ awììdlà tł'axǫǫ̀, dǫ hazǫǫ̀ yek'èı̨t'ee sìı welǫ whìle ts'ǫ̀ Edaxàgolee whelı̨.

James 4:17

Amìı ehkw'ı eghàlaeda ha yek'èezǫ kò yek'ę̀ę̀ eghàlaeda-le nı̨dè hołı̨ı̨ hoehtsı̨ hǫt'e.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

2 Peter 1:10

Eyıt'à sèot'ı̨ı̨, naxıkayaetı xè naxììchì k'ę̀ę̀ aahda, eyı ghǫ naxınì nàtsoò aahłe hanì-ı̨dè naxıxè hagode ha. Hanì edeghàlaahda nı̨dè hołı̨ı̨ naxıdaèht'è hǫı̨lı̨ ha nıìle.

1 John 2:29

Zezì ehkw'ı hǫt'e wek'èahsǫ nı̨dè, amìı ehkw'ı k'ehoɂaa sìı yets'ǫ dǫ-elı̨ wek'èahsǫ hǫt'e.

1 John 3:7

Eyıt'à sèot'ı̨ı̨, dǫ wı̨ı̨zìı ekǫ-le ts'ǫ̀ anaxegııle sǫ̀ǫ̀. Amìı ehkw'ı k'ehoɂaa sìı ehkw'ı hǫt'e, Zezì-Krı ehkw'ı hǫt'e lanì.

John Wenazhıı 22:14

“Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.