Luke 6:42 - Nǫ̀htsı̨ Nı̨htł'è

⁴² Dànıt'à naxèot'ı̨ ts'ǫ̀ dıı haahdı ha dìì-le, ‘Àgı̨ą, nedaà yìı t'asìa wheɂǫ, negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le. Degaı daahtsı̨ kò wek'ę̀ę̀ aahda nıìle! T'akwełǫ̀ǫ̀ naxıdaà yìı dechı̨ whetǫǫ sìı xàahchı nı̨dè naxıgha nezı̨į̀ xègaat'ı̨ agode ha, hanì-ı̨dè naxèot'ı̨ wedaà yìı t'asìa wheɂǫǫ sìı xàahchı ha dìì-le.

Luke 6:42 ပူးပေါင်းရင်းမြစ်များ

Matthew 26:75

Hanì et'ıì Peter, Zezì dàdı ı̨lèe sìı yenadì. “K'àbacho ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter xàèhtła gà sıì ededzeè t'à ı̨tsè.

Matthew 7:3

“Ayìıha naxèot'ı̨ wedaà yìı tsolè wheɂǫǫ sìı ghàahda, hanìkò naxıdaà yìı dechı̨ whetǫǫ sìı ts'ǫnıahɂà-le?

Matthew 7:4

Dànıt'à naxèot'ı̨ ts'ǫ̀ dıı haahdı naxıgha dìì-le, ‘Àgı̨ą, nedaà yìı t'asìa wheɂǫ; negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le.

Luke 13:15

Zezì yets'ǫ̀ hadı, “Degaı daahtsı̨ kò wek'ę̀ę̀ aahda nıìle! Nǫ̀htsı̨ Dzęę̀ k'e naxıts'ǫ ejıe, hanì-le-ı̨dè naxıtłı̨tsoa tı gıghàahdı ha, dagıahge xè tı ts'ǫ̀ agıahɂı̨-le nì?

Luke 22:32

hanìkò, Sımon, ı̨łaà nınì nàtso ha, negha yaehtı. Sets'ǫ̀ ek'èt'à anaąjà nı̨dè nèot'ı̨ gınì nàtsoò agı̨ı̨le nǫǫ̀,” yèhdı.

Luke 6:41

“Ayìıha naxèot'ı̨ wedaà yìı tsolè wheɂǫǫ sìı ghàahda, hanìkò naxıdaà yìı dechı̨ whetǫǫ sìı ts'ǫnıahɂà-le?

Luke 6:43

“Ts'ı nezı̨ı̨ sìı wek'e jìecho nezı̨-le gǫ̀hłı̨ nıìle, eyıts'ǫ ts'ı nezı̨-le sìı wek'e jìecho nezı̨ı̨ dehshe nıìle.

Zezì Wecheekeèdeè 13:10

“Nı̨ sìı wehłı̨ı̨ weza anet'e, t'asìı hazǫǫ̀ ehkw'ı ne sìı k'èch'a anet'e! T'asìıłı̨ı̨ hazǫǫ̀ xàɂaa eyıts'ǫ hots'ets'ìı nàowoò hanıı zǫ k'èı̨zǫ. Dàht'e-ı̨dè Nǫ̀htsı̨ wenàowoò k'èch'a eghàlaı̨da ghǫ naąt'e ha?

Zezì Wecheekeèdeè 2:38

Peter gots'ǫ̀ hadı, “Edek'eahłı̨, naxınì eładı̨į̀ aahłe. Naxıhołı̨į̀ naxıghǫ nahoezhe ha t'à, hazǫǫ̀ naxıtaàt'eè Zezì wıızì t'à naxık'ètaìdzı̨į̀ adeahłe. Hanì-ı̨dè Yedàyeh Nezı̨ı̨ naxık'e ade ha.

Zezì Wecheekeèdeè 8:21

Nedzeè t'à Nǫ̀htsı̨ ts'ǫ̀ ehkw'ı nànınewo-le t'à, dıı Nǫ̀htsı̨ wılaà sìı nexè ha nıìle.

Rome 2:1

Eyıt'à, wek'èts'eezǫ-le, dahdı ha dìì hǫt'e. Dànì dǫ eyıì-le gısınìyaahtıı sìı eyı weghàà edesınìyaahtı hǫt'e, naxı̨ dǫ eyıì-le gısınìyaahtıı sìı hotıì gıxèht'eè eghàlaahda hǫt'e t'à.

2 Corınth 5:18

Eyı hazǫǫ̀ sìı Nǫ̀htsı̨ ayehɂı̨ hǫt'e. Ededı̨ sìı Zezì-Krı wet'ǫ̀ǫ̀ wexè ts'èwhı̨į̀ ts'eedaà agǫ̀ǫ̀là, eyıts'ǫ godı nezı̨ı̨ dǫ ts'ǫ̀ hats'edı gha, la goghàı̨ɂǫ hǫt'e.

2 Tımothy 2:21

Dǫ hołı̨ı̨ wedę ayį̀į̀là nı̨dè kw'à wet'àaɂàa lanì hǫt'e. Wets'ǫ̀ K'àowo gha degaı xè wet'àhoòɂà at'į̀, eyıts'ǫ la nezı̨ı̨ ghàlaeda gha sınìwheda ha.

2 Peter 1:9

Ekò dǫ hanì eda-le sìı wedaà goìle lanì hǫt'e, eyıts'ǫ dànì ı̨nę̀ę gots'ǫ wehołı̨į̀ weghǫ whìle adlàa sìı yenadì-le hǫt'e.