Luke 6:28 - Nǫ̀htsı̨ Nı̨htł'è

²⁸ Amìı hoìla naxık'e xàyahtıı sìı eyıts'ǫ amìı naxıts'ǫ̀ nezı̨į̀ eghàlaeda-le sìı gıgha yaahtı.

Luke 6:28 ပူးပေါင်းရင်းမြစ်များ

Matthew 5:44

Hanìkò sı̨ dıı hanaxèehsı̨: Dǫ naxınìgelı̨-le sìı gıghǫnıahtǫ eyıts'ǫ dǫ danaxegį̀ı̨hɂaa sìı gıgha yaahtı.

Luke 23:34

Zezì hadı, “Setà, gıghǫ nahoı̨le, dàget'ı̨ı̨ sìı gık'èezǫ nıìle t'à,” hadı. Eghǫǫ-dǫǫ̀ wegoht'ǫǫ̀ ełetaàgeelè gha ekw'ǫą k'egehdè.

Luke 6:27

“Hanìkò amìı seèhkw'ǫǫ sìı dıı hanaxèehsı̨: Dǫ naxınìgelı̨-le sìı gıghǫnıahtǫ eyıts'ǫ dǫ naxıdzagı̨ı̨hwhǫǫ sìı gıts'ǫ̀ nezı̨į̀ eghàlaahda.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

Zezì Wecheekeèdeè 14:5

Dǫ eyıì-le xàɂaa, eyıts'ǫ Israel got'ı̨į̀, gıts'ǫ̀ k'aodèe xè Zezì wecheekeèdeè dagogį̀ı̨hɂa ha, eyıts'ǫ kwe t'à ełaàgogìhde ha, hanì ełexè yatı gèhtsı̨.

Zezì Wecheekeèdeè 7:60

Eyı tł'axǫǫ̀ nàgòı̨hgè xè hòtł'ò whezeh, hadı, “Sets'ǫ̀ K'àowo, dıı hołı̨ı̨ hogehtsı̨ı̨ sìı gıghǫ nahoı̨le.” Hadı tł'axǫǫ̀ ełaı̨wo. Saul wedaà agòjà, wınì k'ę̀ę̀ Stephen ełaàgį̀ı̨hwho.

Rome 12:14

Dǫ danaxegį̀ı̨hɂaa sìı gıgha yaahtı; gıts'ǫ̀ hoìla agode ha dahwhǫ-le hanìkò gıts'ǫ̀ nezı̨į̀ aahdı.

1 Corınth 4:12

Goılà t'à hòtł'ò eghàlats'eeda. Dǫ gots'ǫ̀ nàdahogeeɂà nı̨dè gıgha yats'ehtı, dagogį̀ı̨hɂa nı̨dè wexè kò ts'èwhı̨į̀ dats'ı̨ı̨ɂa.

James 3:10

Gowà et'ıì t'à Nǫ̀htsı̨ weghàsǫts'eedı eyıts'ǫ wet'à dǫ ts'ǫ̀ nàdahots'eeɂà. Sèot'ı̨ı̨, hanì ha dìì.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.