Luke 6:11 - Nǫ̀htsı̨ Nı̨htł'è

¹¹ Hanìkò Pharısee gı̨ı̨lı̨ı̨ sìı sıì gìch'è, eyıt'à Zezì dàgele ha sìı ghǫ gogede.

Luke 6:11 ပူးပေါင်းရင်းမြစ်များ

Matthew 16:7

Hadı t'à wecheekeè ełets'ǫ̀ hagedı, “Łèt'è edexè ats'ı̨ı̨là-le t'à adı,” gedı.

Matthew 21:45

Yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì hanì dǫ xè godo gıìkw'o ekò ededı̨ goghǫ godeè-adı gık'èhoèhzà.

Luke 4:28

Dǫ hazǫǫ̀ ełègehdèe-kǫ̀ goyìı geèhkw'ee sìı eyı hadı egıìkw'o ekò gık'èch'a agòjà.

Luke 6:10

Dǫ hazǫǫ̀ wemǫǫ̀ nàgeèhzaa sìı hotıì goghàeda. Eyı tł'axǫǫ̀ dǫ wılà ełeènııtsoo sìı ts'ǫ̀ hadı, “Nılà daį̀chı,” yèhdı. Edılà daìchì ts'ǫ̀et'ıì wılà k'aàt'ıì anajà.

Luke 6:12

Įłàà Zezì yahtı ha shìhka dekıìtła. To ghàà Nǫ̀htsı̨ ts'ǫ̀ yaı̨htı.

John 11:47

Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı ełegeèhdì gha Israel got'ı̨į̀ gha k'aodèe hazǫǫ̀ gokayagı̨ı̨htı, hagedı, “Eyı dǫ enıìyah łǫ hohtsı̨, eyıt'à ayìı dàwets'ele ha?

John 7:1

Eyı hagòjà tł'axǫǫ̀ Zezì Galılee nèk'e hazǫǫ̀ nàhtła. Israel got'ı̨į̀ gha k'aodèe weweè hagı̨ı̨wǫ t'à, Judea nèk'e ts'ǫ̀ ade ha nıwǫ-le.

Zezì Wecheekeèdeè 26:11

Gıxè hoìla ha gǫtłǫǫ̀ ełèts'ehdèe-kǫ̀ gòlaa gıta nàwhıhtła ı̨lè. Nǫ̀htsı̨ k'èch'a xàyagehtıì agehłe ha hoèhdzà ı̨lè. T'aats'ǫǫ̀ gık'èch'a zǫ eghàlaehda ha dehwhǫ ı̨lè. Eyıts'ǫ gıxè hoìla ahłe ha t'à, eyıì-le nèk'e kǫ̀ta yàgòlaa sìı ts'ǫ̀ gıxàehta ı̨lè.

Zezì Wecheekeèdeè 4:15

Peter eyıts'ǫ John ełegeèhdìı-kǫ̀ gots'ǫ xàgogeèwa, eyı tł'axǫǫ̀ goghǫ ełets'ǫ̀ gogede.

Zezì Wecheekeèdeè 4:19

Hanìkò Peter eyıts'ǫ John hagedı, “Dıı weghǫ nànıahdè: ayìı seè Nǫ̀htsı̨ gha ehkw'ı ne, naxık'èats'ı̨ı̨t'e, hanì-le-ı̨dè Nǫ̀htsı̨ k'èats'ı̨ı̨t'e?

Zezì Wecheekeèdeè 5:33

Peter hadıì goı̨de k'aodèe gıìkw'o ekò sıì gınì-le t'à ełaàgogìhde ha gı̨ı̨wǫ.

Zezì Wecheekeèdeè 7:54

Stephen hanì gots'ǫ̀ goı̨de t'à dǫ hazǫǫ̀ sıì gık'èch'a agòjà.

2 Tımothy 3:9

Jannes eyıts'ǫ Jamber lanì, hanıı dǫ sìı whaà ts'ǫ̀ haget'ı̨ ha nıìle, ezhı̨ne agı̨ı̨t'ee sìı dǫ hazǫǫ̀ nezı̨į̀ gınıedì ha.