Luke 5:8 - Nǫ̀htsı̨ Nı̨htł'è

⁸ Sımon-Peter hanì nàhòwo yaɂı̨ ekò Zezì ts'ǫ̀ nàgòı̨hgè gà hayèhdı, “Sets'ǫ̀ K'àowo, hołı̨ı̨-hohtsı̨ı̨-dǫǫ̀ aht'e t'à segà anet'ı̨-le,” yèhdı.

Luke 5:8 ပူးပေါင်းရင်းမြစ်များ

Matthew 17:6

Zezì wecheekeè hagodı egıìkw'o ekò sıì geèhyeh t'à, dèè k'e nàgı̨ı̨tł'ı.

Matthew 2:11

Eyı kǫ̀ goyageède ekò, bebìa eyıts'ǫ wemǫ Mary gıaɂı̨. Bebìa gà nàgògı̨ı̨hgè xè gıghàsǫedı. Eyı tł'axǫǫ̀ sǫǫ̀mbaekwo, wet'à ło łekǫǫ dèk'ǫ̀ǫ eyıts'ǫ yìk'eetł'òo dètìı xàgı̨ı̨wa gà bebìa ghàgı̨ı̨la.

Matthew 8:8

Hanìkò eghǫǫ-dǫǫ̀ gha k'àowo yets'ǫ̀ hadı, “K'àowo, sekǫ̀ naątła gha dǫ lahoeht'ı̨-le. Ekìı neyatıì t'à xàyanehtı nı̨dè secheekeè k'aàt'ıì ade ha.

Luke 5:7

Eyıt'à gıàgı̨ą elà eyıì-le t'à-aget'ı̨ı̨ sìı gots'àgedı ha gı̨ı̨wǫ t'à gots'ǫ̀ nàgeetsį̀. Gogà nègı̨ı̨ɂe ekò elà į̀łah weyìı łıwe sıì dagoòɂǫ agį̀į̀là t'à k'àhdzǫ elà gıxè tèı̨là-t'e.

Luke 5:9

Sımon-Peter eyıts'ǫ dǫ wexè aget'ı̨ı̨ sìı łıwe łǫ gehłì t'à gıgha enıìyah dìì.

John 11:32

Mary, Zezì edı̨į̀ whedaa sìı eyı nììtła. Zezì eɂı̨ ts'ǫ̀et'ıì yets'ǫ̀ nàgòı̨hgè, hadı, “Sets'ǫ̀ K'àowo, jǫ needà nı̨dè sechı ełaàwı ha-le ı̨lè,” yèhdı.

1 Corınth 13:12

Dıì gogha deghàà xègaat'ı̨-le, wet'à daàts'eedaa nezı̨-le yìı k'ets'eet'į̀ lanì. Dıì sìı deghàà wek'èts'eezǫ nıìle hanìkò ı̨daà nı̨dè dànì wègaat'ı̨ı̨ sìı deghàà gogha wègaat'ı̨ ha, ededı̨ gok'èezǫ lanì wek'èts'eezǫǫ̀ ats'ede ha.

John Wenazhıı 1:17

Weehɂı̨ ekò wekè gà nàehkw'o, dǫ ełaı̨wo lahjà. Nàgòts'ehnèe ts'ǫ edılà sek'e ayı̨į̀là, hadı, “Dı̨ı̨jı̨-le. Sı̨ sìı yatı t'akwełǫ̀ǫ̀ wheɂǫǫ eyıts'ǫ yatı nǫǫde wheɂǫǫ aht'e.