Luke 4:6 - Nǫ̀htsı̨ Nı̨htł'è

⁶ Wehłı̨ı̨ yets'ǫ̀ hadı, “Dıı dèè wèdaat'ı̨ı̨ sìı hazǫǫ̀ wets'ǫ̀ k'àı̨woò anehłe ha. Wets'ǫ̀ k'aehwho ha seghàhòt'ǫ ne t'à amìı weghàehɂà ha dehwhǫǫ sìı weghàehɂà ha.

Luke 4:6 ပူးပေါင်းရင်းမြစ်များ

Luke 4:7

Sets'ǫ̀ nàgòneehgè xè seghàsǫı̨dı nı̨dè eyı hazǫǫ̀ neghaelı̨ ha,” yèhdı.

John 12:31

Hòt'a dǫ hazǫǫ̀ gısınìyaetı ha nìkw'o; hòt'a dıı nèk'e k'àowo elı̨ı̨ sìı xàwedeezhı ha.

John 14:30

Hòt'a dıı nèè ts'ǫ̀ k'àowo sìı nììtła ha t'à, whaà-le-t'ıì naxıts'ǫ̀ gohde-le agode ha. Sı̨ sets'ǫ̀ k'àowo nıìle,

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

2 Corınth 11:14

Eyı haget'ı̨ı̨ sìı gogha enıìyah nıìle, wehłı̨ı̨ ededı̨ kò yak'eet'ı̨į̀ degaı edeetsı̨ hǫt'e. Eyıt'à dǫ wehłı̨ı̨ gha eghàlageedaa sìı ededı̨ sı ehkw'ı eghàlageeda laget'ı̨. Nǫǫde nı̨dè dànì eghàlagı̨ı̨dà k'ę̀ę̀ gıghàhòt'à ha.

Ephesus 2:2

Hołı̨ı̨ nàowoò k'ę̀ę̀ aahda ı̨lè, eyıts'ǫ dıı nèk'e hołı̨ı̨-hogehtsı̨ı̨-dǫǫ̀ gık'ę̀ę̀ aahda ı̨lè, eyıts'ǫ ı̨nìłı̨ı̨ yat'a ts'ǫ̀ k'àowo elı̨ı̨ sìı wek'èaht'e ı̨lè. Eyı ı̨nìłı̨ı̨ sìı dǫ Nǫ̀htsı̨ k'èagı̨ı̨t'e-le sìı dıì gıgha k'àowo elı̨ hǫt'e.

1 Peter 1:24

Nǫ̀htsı̨ Nı̨htł'è k'e dıı hanì dek'eèhtł'è hǫt'e: “Dǫ hazǫǫ̀ tł'oh lagı̨ı̨t'e eyıts'ǫ ı̨t'ǫ̀chàa lanì gìdaat'ı̨; tł'oh whegǫǫ̀ at'į̀ eyıts'ǫ ı̨t'ǫ̀chàa dèè k'e ts'ǫ̀ hodàetł'ì,

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:2

Eyı tıts'aàdìı nechàa tıcho yìı ts'ǫ xàèhtłaa sìı nǫ̀da “leopard” lanì wègaat'ı̨, eyıts'ǫ wekè sahkè lanì eyıts'ǫ wewà goìjìıcho wewà lanì wègaat'ı̨. Eyı tıts'aàdìıcho dek'oo sìı tıts'aàdìı nechàa nàtsoò ayį̀į̀là xè edetł'axǫǫ̀ k'àowocho elı̨į̀ ayį̀į̀là.

John Wenazhıı 13:7

Tıts'aàdìı nechàa sìı Nǫ̀htsı̨ wets'ǫ dǫ ts'ǫ̀ eghǫ xè goghǫehnè ha weghàhòt'ǫ hǫt'e. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ hazǫǫ̀ nèk'e ts'ǫ̀ k'àowo elı̨ ha weghàhòt'ǫ hǫt'e.