Luke 4:43 - Nǫ̀htsı̨ Nı̨htł'è

⁴³ Hanìkò Zezì gots'ǫ̀ hadı, “Yeè kǫ̀ta yàgòlaa, ekǫ sı Nǫ̀htsı̨ Wenàowoò wegodıì nezı̨ı̨ gıghàehɂà ha hǫt'e. Eyı gha jǫ asììdlà hǫt'e,” gòhdı.

Luke 4:43 ပူးပေါင်းရင်းမြစ်များ

Matthew 4:23

Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.

Mark 1:35

Ek'èdaedzęę̀ k'e k'omǫǫ̀dǫǫ̀ ı̨łaà to et'ıì Zezì nıìtła. Yahtı ha gowhatsǫǫ̀ gòɂǫǫ ts'ǫ̀ xàèhtła.

John 20:21

Zezì k'achı̨ hagòhdı, “Naxıxè sìghà welè! Setà jǫ ts'ǫ̀ sı̨ı̨hɂà xèht'eè dǫ ts'ǫ̀ naxeehɂa ha,” gòhdı.

John 9:4

Įłaà goxè dzęh agǫ̀ht'e et'ıì amìı jǫ ts'ǫ̀ sı̨ı̨hɂàa sìı wegha eghàlats'eeda ha hǫt'e. Whaà-le-t'ıì to agode ha, hanì-ı̨dè dǫ wı̨ı̨zìı eghàlaeda ha dìì agode ha.

2 Tımothy 4:2

Nǫ̀htsı̨ yatıì t'à dǫ ts'ǫ̀ goı̨de ha t'aats'ǫǫ̀ sınìwheęda. Nàowo ehkw'ıı k'ę̀ę̀ aahda, hołı̨ı̨ hòahtsı̨-le, eyıts'ǫ eyı gha naxınì nàtsoò aahłe, gìı̨dı. T'aats'ǫǫ̀ dǫ xè ts'èwhı̨į̀ neewǫ eyıts'ǫ hotıì nezı̨į̀ hoghàgı̨ı̨htǫ.