Luke 4:34 - Nǫ̀htsı̨ Nı̨htł'è

³⁴ “Nazareth got'ı̨į̀ Zezì, dàgǫǫle ha? Godıhoǫhtsı̨ ha nì anet'ı̨? Amìı anet'ee sìı nek'èehsǫ. Nǫ̀htsı̨ wets'ǫ degaı anet'e!” yèhdı.

Luke 4:34 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 8:29

Hòtł'ò gezeh xè hagedı, “Nǫ̀htsı̨ Weza, ayìıha gok'alaąwo? Gogha nèhòkw'ı kwe gogha hoìla hoı̨htsı̨-le, neghǫnàdats'eetì,” gedı.

Mark 1:24

“Nazareth got'ı̨į̀ Zezì dàgǫǫle ha? Godıhoǫhtsı̨ ha nì-anet'ı̨? Amìı anet'e nek'èehsǫ ne. Nǫ̀htsı̨ wets'ǫ degaı anet'e!” yèhdı.

Mark 1:34

Dǫ łǫ tàda hazǫǫ̀ xàɂaa gıts'ǫ sìı Zezì hazǫǫ̀ k'aàt'ıì agǫǫ̀là. Eyıts'ǫ dǫ yìı gots'ǫ ı̨nìłı̨ı̨ łǫ xàdeèzhì. Zezì amìı ne sìı ı̨nìłı̨ı̨ gık'èezǫ t'à Zezì gogedeè agohɂı̨-le.

Mark 5:7

Zezì yets'ǫ̀ hadı, “Įnìłı̨ı̨, dıı dǫ yìı gots'ǫ xàı̨tłe,” yèhdı. Eyıt'à eyı dǫ hòtł'ò ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Nǫ̀htsı̨ wıızì dahxà hoìla ası̨ı̨le ha-le gha neyatıì seghàı̨ɂà,” yèhdıì ezeh.

Luke 1:35

Yak'eet'ı̨į̀ yets'ǫ̀ hadı, “Yedàyeh Nezı̨ı̨ nek'e ade ha eyıts'ǫ Nǫ̀htsı̨ wenahk'e gǫ̀hłı̨-le sìı wets'ǫ t'asìı nàtsoo nek'e ade ha. Eyıt'à eyı chekoa degaı wegǫ̀hłı̨ ha sìı Nǫ̀htsı̨ Weza wìyeh ha.

Luke 4:33

Eyı ełègehdèe-kǫ̀ goyìı dǫ ı̨łè ı̨nìłı̨ı̨ wets'ǫ̀-èlı̨ı̨ eyı wheda. Hǫtsaa hòtł'ò whezeh xè hadı,

Luke 4:41

Eyıts'ǫ ı̨nìłı̨ı̨ dǫ łǫ yìı gots'ǫ xàı̨de, hagedıì gezeh, “Nı̨ sìı Nǫ̀htsı̨ Weza anet'e.” Hanìkò Zezì nàgoehɂǫ. Zezì, Chrıst hǫt'e ı̨nìłı̨ı̨ gık'èezǫ t'à Zezì gogedeè agohɂı̨-le.

Luke 8:28

Zezì eɂı̨ ekò hòtł'ò whezeh gà yekè gà nàgòı̨hgè, ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Hoìla ası̨ı̨le-le neghǫnàdaehtì,” yèhdı.

Luke 8:37

Ekǫ Gerasene nèk'e gots'ǫ dǫ hazǫǫ̀ sıì geèhyeh t'à Zezì gots'ǫǫ̀ awede gıìhdı. Eyıt'à Zezì wecheekeè nàgedè, elà yìı nagı̨ı̨de.

Zezì Wecheekeèdeè 16:39

K'aodèe, Paul eyıts'ǫ Sılas ts'ǫ̀ dǫ nezı̨ı̨ gı̨ı̨lı̨ ha gı̨ı̨wǫ t'à dǫ-danìı̨laa-kǫ̀ gots'ǫ xàgogeèwa, ts'èwhı̨į̀ kǫ̀ta ts'ǫǫ̀ naahdè gògedı.

Zezì Wecheekeèdeè 3:14

Eyı Dǫ Degaı xè Ehkw'ı Edaa sìı weahwhǫ-le ı̨lè, hanìkò eweèt'ı̨ı̨ elı̨ı̨ sìı eyı t'aa weahwhǫ ı̨lè.

Zezì Wecheekeèdeè 4:27

Hęɂę, hotıì hagòjà. K'àowocho Herod eyıts'ǫ k'àowo Pılate, dǫ eyıì-le xàɂaa eyıts'ǫ Israel got'ı̨į̀ ełexè jǫ kǫ̀ta łą̀ą ełègı̨ı̨de ı̨lè. Zezì necheekeè degaı weneehchìı sìı wek'èch'a k'ehogeɂa ı̨lè.

Hebrew 2:14

Weza ts'ı̨ı̨lı̨ı̨ sìı dǫ ats'ı̨ı̨t'e, ededı̨ sı goxèht'eè dǫ whelı̨. Gogha ełaı̨wo t'à amìı ełaàgòhdee nàtsoo elı̨ı̨ sìı yedıhòèhtsı̨; eyı sìı wehłı̨ı̨ hǫt'e.

James 2:19

Nǫ̀htsı̨ ı̨łè zǫ gǫ̀hłı̨ı̨ sìı negha ehkw'ı-ahodı. Ehkw'ı aneewǫ hǫt'e! Įnìłı̨ı̨ kò ededı̨ sı eyı gıgha ehkw'ı hǫt'e, eyıt'à geejı̨ xè gıts'ehłı̨ laget'į̀.

1 John 3:8

Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.

John Wenazhıı 20:2

Eyı yak'eet'ı̨į̀ tıts'aàdìıcho dek'oo daachì. Eyı tıts'aàdìıcho sìı ı̨nę̀ę whaà gots'ǫ gòocho hǫt'e eyıts'ǫ wehłı̨ı̨ hǫt'e. Įłè-lemì xo gots'ǫ̀ wek'èhodì ha t'à yak'eet'ı̨į̀ dayeèzà.

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.