Luke 4:32 - Nǫ̀htsı̨ Nı̨htł'è

³² K'àowo elı̨ k'ę̀ę̀ hoghàgoehtǫ ts'ıhɂǫ̀, dǫ hazǫǫ̀ weyatıì gıgha enıìyah dìì.

Luke 4:32 ပူးပေါင်းရင်းမြစ်များ

Mark 1:22

Zezì Nǫ̀htsı̨-yatıì-k'èdìı-dǫǫ̀ lanì dǫ hoghàehtǫ-le, hanìkò ededı̨ t'asìı hazǫǫ̀ ts'ǫ̀ k'àowo lanì dǫ hoghàehtǫ ts'ıhɂǫ̀, dǫ Zezì weyatıì gıgha enıìyah dìì.

Luke 2:47

Sıì t'asìı nıedì xè dànì gots'ǫ̀ xàyaı̨htı t'à, dǫ hazǫǫ̀ geèhkw'ǫǫ sìı gıghàhoelı.

Luke 4:33

Eyı ełègehdèe-kǫ̀ goyìı dǫ ı̨łè ı̨nìłı̨ı̨ wets'ǫ̀-èlı̨ı̨ eyı wheda. Hǫtsaa hòtł'ò whezeh xè hadı,

Luke 4:36

Dǫ hazǫǫ̀ gıgha enıìyah t'à ełets'ǫ̀ hagedı, “Yatı enıìyah t'à gode eyıts'ǫ t'asìı hazǫǫ̀ ts'ǫ̀ k'àowo k'ę̀ę̀ gode. Yatı nàtsoo t'à ı̨nìłı̨ı̨ ts'ǫ̀ gode nı̨dè xàgeedè,” gedı.

John 6:63

Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

John 7:46

“Dǫ wı̨ı̨zìı eyı dǫ lanì goı̨de whìle,” Nǫ̀htsı̨kǫ̀-xogııhdıı-dǫǫ̀ hagedı.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

1 Thessalonıca 1:5

Godı nezı̨ı̨ naxıts'ǫ̀ nèts'ı̨ı̨ɂǫ ekò, yatı zǫ naxıghàts'ı̨ı̨ɂǫ nıìle. Hanìkò Yedàyeh Nezı̨ı̨ ts'ıhɂǫ̀ naxıta enıìyah nàhòwo t'à, eyı godı nezı̨ı̨ hotıì ehkw'ı hǫt'e wek'èahsǫ anaxį̀į̀là. Naxıts'àts'edı ha t'à dànì naxıta nàts'ı̨ı̨dèe sìı wek'èahsǫ hǫt'e.

Tıtus 2:15

Dıı hazǫǫ̀ hoghàgı̨ı̨htǫ ha hǫt'e. Nǫ̀htsı̨ wedahxà gınì nàtsoò agı̨ı̨le, eyıts'ǫ hołı̨ı̨ wedę aahda gìı̨dı. Dǫ wı̨ı̨zìı neyatıì wet'àaɂà-le nı̨ı̨hwhǫ sǫ̀ǫ̀.