Luke 4:25 - Nǫ̀htsı̨ Nı̨htł'è

²⁵ Ehkw'ı anaxèehsı̨, t'akwe whaà nakwenàoɂǫǫ Elıjah nàı̨dè ekò Israel nèk'e ts'èko łǫ gıgà dǫzhìı whìle ı̨lè. Ekìıyeè k'e taı xo-àtanı gots'ǫ̀ chǫh whìle t'à ekǫ nèk'e hazǫǫ̀ bò whìle agòjà ı̨lè.

Luke 4:25 ပူးပေါင်းရင်းမြစ်များ

Matthew 20:15

Xàè sesǫǫ̀mbaà dàhłe ha dehwhǫǫ sìı sı̨ sets'ǫ̀ hoèlı̨ hǫt'e. Dıı dǫ gıts'ǫ̀ nezı̨į̀ k'ehohɂa ha dehwhǫ t'à naxıgha nezı̨-le nì?’ gòhdı.

Luke 10:21

Ekìıyeè k'e Zezì Yedàyeh Nezı̨ı̨ sıì wınà ayį̀į̀là t'à hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà. Hęɂę, Setà, hanì negha sìghà t'à anelà.

Rome 9:15

Nǫ̀htsı̨ Moses ts'ǫ̀ dıı hadı ı̨lè, “Amìı ts'ǫ̀ sǫdehwhǫ ha sìı ts'ǫ̀ sǫdehwhǫ ha. Eyıts'ǫ amìı eteweèhɂı̨ ha dehwhǫǫ sìı eteweèhɂı̨ ha hǫt'e,” yèhdı ı̨lè.

Rome 9:20

Hanìkò ayìıcho aaht'e dahwhǫ t'à hanì Nǫ̀htsı̨ ts'ǫ̀ ek'èt'à goahde welì? “Ededı̨ gòèhtsı̨ı̨ sìı wek'èch'a gots'ede ha nì? ‘Dànìghǫ dıı hanì sèwheęhtsı̨ nǫǫ̀?’ hats'edıì dawets'eehke ha nì?”

Ephesus 1:11

Ededı̨ wets'ıhɂǫ̀ whaà gots'ǫ Nǫ̀htsı̨ dànì sınìhòɂǫǫ sìı k'ę̀ę̀ gòį̀hchì hǫt'e. Ededı̨ sìı edınì k'ę̀ę̀ t'asìı hazǫǫ̀ ghàlaı̨da hǫt'e.

Ephesus 1:9

Nǫ̀htsı̨ dànıwǫǫ sìı dǫ gha deɂı̨į̀ wheɂǫ ı̨lèe sìı wek'èts'eezǫǫ̀ agǫ̀ǫ̀là. Nǫ̀htsı̨ hanì yeghàlaeda wegha nezı̨ eyıts'ǫ Zezì-Krı wedahxà hanì yeghàlaeda hǫt'e.

James 5:17

Nakwenàoɂǫǫ Elıjah goxèht'eè dǫ ı̨lè. Chǫh agode ha-le gha hòtł'ò yaı̨htı t'à taı xo daà-tanı ts'ǫ̀ dèè k'e chǫh wı̨ı̨zìı ajà-le ı̨lè.

John Wenazhıı 11:6

Eyı nakwenàoɂǫǫ nàke sìı yat'a ts'ǫ̀ k'àhogewo ha gıghàhòt'ǫ hǫt'e. Nǫ̀htsı̨ yatıì t'à dǫ ts'ǫ̀ gogede gots'ǫ̀ chǫh agot'ı̨-le agehɂį̀, tı edoò ìhłè agehɂı̨ eyıts'ǫ dıı nèk'e hoìla hazǫǫ̀ xàɂaa agele ha gıghàhòt'ǫ. T'aàtłǫ ts'ǫ̀ hanì eghàlageeda ha gı̨ı̨wǫǫ sìı hagehɂı̨.