Luke 4:23 - Nǫ̀htsı̨ Nı̨htł'è

²³ Zezì gots'ǫ̀ hadı, “Dıı hasèahdı ha wek'èehsǫ, ‘Nàèdı-k'èezǫǫ k'aàt'ıì adı̨ı̨le. Kǫ̀ta Capernaum ekǫ ayìı ghàlaneedàa sìı jǫ nekǫ̀ta sı hanele,’ sèahdı ha hǫt'e.

Luke 4:23 ပူးပေါင်းရင်းမြစ်များ

Matthew 13:54

Kǫ̀ta dèzhǫǫ sìı ekǫ nììtła ekò ełègehdèe-kǫ̀ ts'ǫ̀ èhtła, ekǫ dǫ hoghàehtǫ. Dànì dǫ hazǫǫ̀ ts'ǫ̀ gode t'à sıì gıgha enıìyah lanì, ełets'ǫ̀ hagedı, “Dànıt'à dıı dǫ sıì gǫǫzǫ xè enıìyah hoehtsı̨?

Matthew 4:13

Kǫ̀ta Nazareth nàı̨dè tł'axǫǫ̀ kǫ̀ta Capernaum nàdè ajà. Eyı kǫ̀ta Zebulun eyıts'ǫ Naphtalı gınèk'e, tı nechàa whehtǫ gà gòɂǫ.

Matthew 4:23

Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.

Mark 6:1

Zezì edecheekeè xè ekǫ gots'ǫǫ̀ naèhtła gà kǫ̀ta dèzhǫǫ sìı ts'ǫ̀ anajà.

Luke 2:39

Joseph eyıts'ǫ Mary Nǫ̀htsı̨ weyatıì dek'eèhtł'è k'ę̀ę̀ hazǫǫ̀ gıghàlaı̨dà tł'axǫǫ̀, Galılee nèk'e, edekǫ̀ta Nazareth ts'ǫ̀ nageèhde.

Luke 2:51

Eyı tł'axǫǫ̀ Zezì edetà eyıts'ǫ edemǫ goxè Nazareth ts'ǫ̀ naèhtła. Ekǫ goxè nàdè xè gok'èı̨t'e. Eyı hazǫǫ̀ hagòjàa sìı wemǫ ededzeè yìı yek'èdì.

Luke 4:16

Zezì kǫ̀ta Nazareth, ekǫ dèzhǫǫ sìı ts'ǫ̀ anajà. Nǫ̀htsı̨ Dzęę̀ k'e ełègehdèe-kǫ̀ nàèhtła, t'aats'ǫǫ̀ ekǫ at'ı̨ ne t'à. Nı̨htł'è k'eyahtı ha nıìtła.

Luke 4:31

Eyı tł'axǫǫ̀ Zezì Galılee nèk'e, kǫ̀ta Capernaum gòyeh ts'ǫ̀ èhtła. Ekǫ Nǫ̀htsı̨ Dzęę̀ k'e dǫ hoghàehtǫ.

Luke 4:35

Zezì yets'ǫ̀ hadı, “Įhłı̨į̀ aąt'e! Weyìı gots'ǫ xàı̨tłe!” yèhdı. Hadı t'à dǫ hazǫǫ̀ gıdaà ı̨nìłı̨ı̨ dǫ ı̨zhıì nàı̨hxà gà yeyìı gots'ǫ xàèhtła. Hanìkò eyı dǫ t'asajà-le.

Luke 6:42

Dànıt'à naxèot'ı̨ ts'ǫ̀ dıı haahdı ha dìì-le, ‘Àgı̨ą, nedaà yìı t'asìa wheɂǫ, negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le. Degaı daahtsı̨ kò wek'ę̀ę̀ aahda nıìle! T'akwełǫ̀ǫ̀ naxıdaà yìı dechı̨ whetǫǫ sìı xàahchı nı̨dè naxıgha nezı̨į̀ xègaat'ı̨ agode ha, hanì-ı̨dè naxèot'ı̨ wedaà yìı t'asìa wheɂǫǫ sìı xàahchı ha dìì-le.

John 4:28

Ts'èko edetıtǫǫ̀ dę kǫ̀ta ts'ǫ̀ naèhtła. Ekǫ dǫ ts'ǫ̀ dıı hadı,

2 Corınth 5:16

Eyıt'à jǫ gots'ǫ ı̨daà dıı nèè gots'ǫ dǫ gınàowoò k'ę̀ę̀ dǫ wı̨ı̨zìı gısınìyats'ehtı ha nıìle. Įnę̀ę sìı Zezì-Krı hanì wesınìyats'ı̨ı̨htı ı̨lè, hanìkò dıì sìı hats'et'ı̨-le ats'ejà.