Luke 3:8 - Nǫ̀htsı̨ Nı̨htł'è

⁸ Edek'eahłı̨ nı̨dè wek'ę̀ę̀ eghàlaahda. ‘Abraham gotà hǫt'e,’ dahdı-le. Nǫ̀htsı̨ sìı jǫ kwe whelaa t'à Abraham gha chekoa ehtsı̨ wegha dìì nıìle.

Luke 3:8 ပူးပေါင်းရင်းမြစ်များ

Matthew 21:43

“Eyıt'à naxıts'ǫ̀ dıı haehsı̨: Nǫ̀htsı̨ Wenàowoò k'ę̀ę̀ hòɂǫǫ sìı naxıghǫ naìchı ha eyıts'ǫ dǫ eyıì-le wınì k'ę̀ę̀ eghàlageeda ha sìı gıghaelı̨ ha.

Matthew 3:8

Edek'eahłı̨ nı̨dè wek'ę̀ę̀ eghàlaahda.

Matthew 3:9

‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.

Luke 13:25

Kǫ̀ ts'ǫ̀ k'àowo naxıts'ǫdanìı̨hgè nı̨dè mǫ̀ht'a nàahza ha. Enìı̨tǫ ts'aaht'ı xè dıı haahdı weghǫnàdaahtì ha, ‘K'àowo, gots'ǫ̀ enìxàı̨chı,’ dahdı kò dıı hanaxèhdı ha, ‘Naxık'èehsǫ-le eyıts'ǫ edı̨į̀ gots'ǫ aaht'ı̨ı̨ sìı wek'èehsǫ-le,’ naxèhdı ha.

Luke 13:26

“Eyıt'à dıı hawèahdı ha, ‘Goxè shènetı̨ ı̨lè eyıts'ǫ gokǫ̀ta hoghàgoı̨htǫ ı̨lè,’ wèahdı ha.

Luke 14:9

Hagòjà nı̨dè dǫ naxıkayaı̨htıı sìı nets'ǫ̀ dıı hadı ha, ‘Dıı dǫ nedaèhchı̨į̀ k'e wedà,’ nèhdı nı̨dè edeghǫ į̀į̀zhanelı̨ ha. Dǫ wet'àaɂà-le gha gòɂǫǫ sìı ekǫ wheędaà anegele ha.

Luke 19:40

Zezì hagòhdı, “Ehkw'ı anaxèehsı̨, ı̨hłı̨į̀ agı̨ı̨t'e nı̨dè jǫ kwe whelaa sìı yagìzeh ha,” gòhdı.

Luke 19:9

Zezì yets'ǫ̀ hadı, “Dıı dzęę̀ k'e jǫ kǫ̀ gots'ǫ dǫ edaxàwhede hǫt'e. Dıı dǫ ededı̨ sı Abraham gots'ǫ dǫ hǫt'e.

Luke 5:21

Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ hagı̨ı̨wǫ, “Eyı dǫ amìı aht'e edeewǫ? Nǫ̀htsı̨ k'èch'a gode. Nǫ̀htsı̨ zǫ gohołı̨į̀ goghǫ nahoele hǫt'e,” hagı̨ı̨wǫ.

John 8:33

Dǫ hagıìhdı, “Abraham wets'ıhɂǫ̀ǫ-dǫǫ̀ ats'ı̨ı̨t'e, dǫ wı̨ı̨zìı gots'ǫ̀ k'àowo gòı̨lè nıìle. Eyıt'à dànìghǫ, t'asìı wı̨ı̨zìı naxıts'ǫ̀ k'àowo ha nıìle, nı̨ı̨dı?” gıìhdı.

John 8:39

Zezì ts'ǫ̀ hagedı, “Abraham gotà hǫt'e ne,” gedı. Zezì hagòhdı, “Abraham wets'ıhɂǫ̀ǫ-dǫǫ̀ aaht'e nı̨dè Abraham dànì eghàlaı̨dàa sìı naxı̨ wexèht'eè eghàlaahda ha ı̨lè.

Zezì Wecheekeèdeè 26:20

Kǫ̀ta Damaskus t'akwełǫ̀ǫ̀ ekǫ dǫ ts'ǫ̀ goıhde, eyı tł'axǫǫ̀ kǫ̀ta Jerusalem eyıts'ǫ Judea nèk'e hazǫǫ̀ dǫ ts'ǫ̀ goıhde. Eyıts'ǫ dǫ eyıì-le xàɂaa sı gıts'ǫ̀ goıhde. Edek'egı̨ı̨lı̨ xè Nǫ̀htsı̨ ts'ǫ̀ anaahde ha, gèehsı̨. Edek'egı̨ı̨lı̨ nı̨dè wek'ę̀ę̀ eghàlageeda ha hǫt'e, gèehsı̨.

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

Rome 9:7

Eyıts'ǫ Abraham wets'ıhɂǫ̀ǫ-dǫǫ̀ gı̨ı̨lı̨ı̨ sìı hazǫǫ̀ Abraham weza gha gııtà nıìle. Hanìkò Nǫ̀htsı̨ Abraham xè yatı whehtsı̨ ekò dıı hadı ı̨lè, “Isaac wets'ıhɂǫ̀ǫ-dǫǫ̀ ededı̨ zǫ nets'ıhɂǫ̀ǫ-dǫǫ̀ gha gııtà ha,” Nǫ̀htsı̨ Abraham ts'ǫ̀ hadı ı̨lè.

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.